MEJD distribui materiál limpeza ba eskola lima iha munisípiu Dili, tersa (08/06). Imajen Tatoli/Tomé Amado

DILI, 17 juñu 2021 (TATOLI) – Diretór Servisu Edukasaun Munisípiu Dili (DSEMD), Duarte Bragansa, hateten atu re-ativa ensinu aprendizajen prejensiál iha kapitál Dili presiza despaixu hosi Ministru Edukasaun, Juventude no Desportu (MEJD).

Notísia Relevante : Eskola 5 de maiu hahú foti dadus profesór no funsionáriu atu vasina

 “Bainhira atu re-ativa prosesu ensinu aprendizajen prejensiál iha Dili, ita presiza hetan despaixu hosi MEJD. Se laiha, ita labele halo buat ida,” Duarte Bragansa  hateten  ba jornalista-sira iha ninia servisu fatin, Comoro, Dili, kinta ne’e.

Nia afirma katak to’o agora Ministru edukasaun seidauk fó orientasaun ida atu re-ativa eskola, satan iha Dili sei kontinua hela ho serka sanitária. Maibé Servisu Edukasaun Munisípiu Dili iha ona esforsu atu prienxe rekizitu Ministériu Saúde  (MS) no Organizasaun Mundiál Saúde (OMS)  nian hodi husu ba profesór hotu tenke simu vasina.

Nia hateten,  bainhira profesór sira hetan hotu ona vasina, nia sei esforsu atu estudante sira ho idade tinan 18 bá leten tenke  simu mós vasina iha eskola, ho nune’e, garante prosesu ensinu aprendizajen aula prejensiál iha Dili.

Jornalista : Tomé Amado

Editór        : Francisco Simões  

 

HAKEREK NO HATÁN

Please enter your comment!
Please enter your name here