Irrigasaun balun iha munisípiu. Imajen/PNDS

VIQUEQUE, 17 juñu 2021 (TATOLI)- Programa Nasionál Dezenvolvimentu Suku (PNDS) reabilita ona irrigasaun iha Suku Uani Uma, Postu Administrativu Uatucarbau, Munisípiu Viqueque.

Notísia Relevante : Suku Uaitame sei prioridade hadi’a infraestrutura bázika hosi PNDS

“Atividade PNDS ne’ebé la’o iha ha’u-nia suku ne’e, prioridade liubá irrigasaun ne’ebé atinje ona 100% no agora sei iha hela orsamentu  adisionál ba irrigasaun atu halo normalizasaun,” Xefe Suku Uani Uma, António de Jesus, informa   ba Agência Tatoli  iha Viqueque, kuarta lokraik (16/06).

Irrigasaun Uani Uma sei liga natar hamutuk ektare 250 sei benefisia ba agrikultór   hamutuk 2.245.

Fundu Reziliénsia Komunitáriu Rekuperasaun Ekonomia (RKRE) ne’ebé aloka  ba Suku Uani Uma iha 2019 ho montante    $34.510,17,  nune’e aloka ba konstrusaun irrigasaun Kumoli  ho gastu $13.705 no  agora daudaun hela fundu adisionál hamutuk $20.805,75.

Jornalista : Vitorino Lopes da Costa

Editór      : Francisco Simões

HAKEREK NO HATÁN

Please enter your comment!
Please enter your name here