Administrasaun Tékniku Sosiál MSSI Covalima, Filomena Alves Barros. Imajen Tatoli/Celestina Teles

COVALIMA, 17 juñu 2021 (Tatoli) – Durante aplikasaun serka sanitária iha Munisípiu Covalima,  Ministériu Solidariedade, Sosiál no Inkluzaun (MSSI) Covalima distribui ona foos  saka 2.668 ba família vulneravel-sira.

Notísia Relevante : Burokrasia halo povu Fatumean seidauk bele simu foos

Administrasaun Tékniku Sosiál MSSI Covalima, Filomena Alves Barros, informa foos saka 2.668  ne’e fahe ba primeiru trimestre (janeiru-marsu 2021) distribui foos saka 1.868 iha no  abríl-juñu hamutuk saka 800.

“Foos hirak ne’e ami distribui bazeia ba pedidu ne’ebé mak ami simu hosi autoridade lokál sira, ne’ebé identifika família vulneravel, ema ho defisiénsia no mós oan-kiak sira,” Filomena Alves Barros informa ba Agência Tatoli  iha Covalima, kinta ne’e.

Iha primeiru trimestre, janeiru-marsu 2021, MSSI Covalima mós  fó apoiu foos ba sentru treinamentu Klaret  saka 50, Asrama Teresa Orsini Maucatar (saka 50), apoiu ai-han ba família sirkunstánsia ho labarik oan-kiak (saka sia), apoiu ai-han ba komunidade Postu Administrativu Fatumea ne’ebé afeta ba COVID-19  (saka 980), ho total xefe família 980, Postu Administrativu Tilomar, Suku Maudemo (saka 224) ba xefe família 224, ba Postu Administrativu Fatululik (saka 359) ba xefe família 359, Postu Administrativu Markatar iha aldeia rua ho   foos saka 115 no mós apoiu ba ema ho defisiénsia iha postu Administrativu hitu (7) ho   foos  saka 81.

Segundu  trimestre, abríl-juñu  2021 , MSSI mós apoiu fo0s hamutuk saka 800 hodi distribui ba Sentru Treinamentu Klaret Salele ho foos saka 50, Sentru Esperansa Feto Salele uma Mahon (saka 50), Asrama Orsini Maucatar (saka 50), Asrama Kanosiana Suai (saka 50), Fokupers (saka 10), ba  família kbiit-laek  hamutuk  367  iha Postu Administrativu Fohorem ho foos saka  367.

“Ami atu distribui fos hirak ne’e ami lá iha transporte maibé ami ajuda ba parseiru sira hanesan CVTL, Bombeiros no mós transporte Saneamentu munisípiu nian,” Filomena Alves Barros.

Jornalista       : Celestina Teles 

Editór             : Francisco Simões 

HAKEREK NO HATÁN

Please enter your comment!
Please enter your name here