Vice-Ministru Administrasaun Estatál, Lino de Jesus Torrezão. Imajen Tatoli/Antónia Maia Gusmão.

DILI, 17 juñu 2021 (TATOLI)—Vise Ministru Administrasaun Estatál (MAE), Lino de Jesus Torrezão, hatete MAE prepara ona esbosu lei arkivu nasionál no daudaun ne’e iha hela faze diskusaun entre ekipa tékniku no asesór jurídiku sira.

Notísia Relevante: Governu presiza aselera ezbosu-lei patrimónia kulturál no lei arkivu

“Ami prepara ona esbosu lei arkivu nasionál ne’e maibé ita sei iha faze diskusaun entre tékniku no asesór jurídiku MAE nian. Maibé, bainhira finaliza mak ita submete ba Konsellu Ministru,” Lino de Jesus Torrezão hatete ba Agência TATOLI, liuhosi telefónika, kinta ne’e.

Governu liuhosi MAE iha polítika kria esbosu lei arkivu nasionál no daudaun ne’e halo hela esforsu atu aselera oinsá mak bele submete ba Konsellu Ministru no tama lalais iha Parlamentu Nasionál.

“Ami prepara ona esbosu lei ne’e maibé ha’u seidauk bele hateten bainhira mak submete ba parte relevante. Ami seidauk iha serteza,” nia dehan.

Ministériu Administrasauu Estatál (MAE) nia kompeténsia mak prepara ona esbosu lei ne’e hodi lori ba Parlamentu Nasionál hodi halo diskusaun iha plenária, maibé molok lori ba plenária lei ne’e tenke ba uluk Komisaun A para fó pareser ruma, nune’e Komisaun A halo diskusaun kle’an maibé atu aprova ne’e kompeténsia Parlamentu Nasionál nian.

Notísia Relevante: CNC presiza lei arkivu nasionál asegura dokumentu

Jornalista: Osória Marques

Eidtór: Cancio Ximenes

HAKEREK NO HATÁN

Please enter your comment!
Please enter your name here