MS no OMS disemina informasaun vasina kontra COVID-19 ba membru PNTL, iha Sentru Formasaun Polísia, Comoro, tersa (23/02). Imajen TATOLI/Natalino Costa

DILI, 17 juñu 2021 (TATOLI)—Komandu Jerál, Polísia Nasionál Timor Leste (PNTL), ekonraza ofisiál superiór no membru iha territóriu tomak, atu kontinua partisipa vasina doze daruak, hodi hasa’e imunidade ba prevensaun kontájiu peste letál COVID-19.

“Komandu PNTL apela nafatin ba membru tomak atu kontinua koopera hodi partisipa iha vasina doze daruak iha sentru saúde ne’ebé estabelese,” Portavóz PNTL, Superintendente Xefe, Arnaldo de Araújo hateten ba jornalista-sira iha Komandu Jerál PNTL, Caicoli, kinta ne’e.

Notísia relevante:Membru PNTL 70% simu ona vasina AstraZeneca

Superintendente Xefe, Arnaldo de Araújo fó-hanoin katak, PNTL ho F-FDTL hamutuk ho ekipa saúde nu’udár ekipa liña frente ne’ebé tenki hatudu ezemplu di’ak populasaun iha Timor-Leste.

Entretantu, departementu saúde PNTL rejista katak, hosi totál membru 4000-resin, iha pursentu 70 mak simu ona vasina AstraZeneca doze dahuluk.

Governu liu hosi Ministériu Saúde (MS), halo lansamentu ba vasina AstraZeneca doze daruak ne’ebé oferese hosi COVAX Facility, iha Centro Convenções Dili (CCD), kinta (10/06/21).

Jornalista: Eugénio Pereira

Editór: Cipriano Colo

HAKEREK NO HATÁN

Please enter your comment!
Please enter your name here