Prezidente INSS, Longuinhos Armando Leite. Imajen TATOLI/Egas Cristóvão

DILI, 17 juñu 2021 (TATOLI)—Prezidente Institutu Nasionál Seguransa Sosiál (INSS), Longuinhos Armando Leite, informa Governu liuhosi INSS sei halo pagamentu ba entidade empregadór no fakultativu sira iha fulan juñu nia rohan.

Notísia Relevante: INSS verifika ona dadus empregadór 5.516

“Dokumentu besik 3.000 mak ita sei halo vertifikasaun hela. Ita-nia hanoin katak fulan juñu nia rohan, ita hahú halo pagamentu ba dokumentu sira-ne’ebé ita verifika hotu ona ne’e,” Longuinhos Armando Leite hateten ba jornalista sira, iha Caicoli, Dili, kinta ne’e.

Dadus entidade empregadór no fakultativu foun no tuan ba programa “apoiu ba empregu” ne’ebé adere nanis iha seguransa sosiál ne’ebé tama ona iha Institutu Nasionál Seguransa Sosiál (INSS) ne’e,  hamutuk 9.000-resin mak verifikadu ona.

Hosi totál dadus 9.000-resin ne’e, 147 mak rejistu liuhosi online no rejistu iha munisípiu Dili hamutuk 5.000-resin no restu ne’e rejistu iha munisípiu sira seluk.

“Entidade empregadór no fakultativu ne’ebé rejistu foun iha INSS hamutuk 417-resin, kompostu hosi entidade empregadór iha 17 no fakultativu besik 400-resin,” nia dehan.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here