Ponto Fokál Seguransa Sosiál Covalima, Ildefonso da Costa Amaral. Imajen Tatoli/Celestina Teles

COVALIMA, 17 juñu 2021 (TATOLI)–Benefisiáriu ba subsídiu invalidés iha Munisípiu Covalima hamutuk na’in-173.

Ponto Fokál Seguransa Sosiál Covalima, Ildefonso da Costa Amaral, informa tuir planu prosesu pagamentu Ministériu Solidariedade, Sosiál no Inkluzaun (MSSI)  ba benefisiáriu-sira iha tinan ida ne’e dala-rua, kada fulan-neen  ho montante $180 ba kada benefisiáriu.

Konstituisaun RDTL artigu 56 hateten, sidadaun hotu iha direitu ba seguransa sosiál no asisténsia sosializa testu Konstitusionál  artigu 20 no 21 hateten tan idózus no defisiénsia sira iha direitu ba protesaun sosiál.

Sentru Solidariedade Sosiál nu’udar  instituisaun reprezentativu MSSI iha nivel lokál no misaun atu ezekuta atividade iha nivel lokál no asegura implementasaun ba lejizlasaun polítika iha área seguransa sosiál, asisténsia sosiál  bazeia ba dekretu lei Númeru 47/2012,  loron  5  fulan dezembru, orgánika Ministériu Solidariedade artigu 18 delegasaun territoriál.

Benefisiáriu lakon direitu ba subsídiu bainhira benefisiáriu mate, lakon nasionalidade nu’udar Timor-oan, benefisiáriu hela iha rai-li’ur no iha mudansa ba kondisaun saúde karik hetan fali kapasidade hodi halo servisu.

Jornalista       : Celestina Teles 

Editór             : Francisco Simões 

HAKEREK NO HATÁN

Please enter your comment!
Please enter your name here