Illa Ataúro. Imajen/Espesiál

DILI, 17 juñu 2021 (TATOLI)-Xefe Sentru Saúde Postu Administrativu Ataúro, Munisípiu Dili, Dano Pires, hateten, komunidade Ataúro sei simu vasina AstraZeneca doze dahuluk iha segunda (21/06).

“Vasina AstraZeneca ba Postu Administrativu Ataúro nian sei to’o mai iha Ataúro, sábadu (19/06), nune’e  segunda,  ita sei fó vasina jerál ba komunidade, liu-liu ba sira ne’ebé idade 60 ba leten,” Dano Pareira informa  ba Agência Tatoli liuhosi telefónika, kinta ne’e.

“Númeru montante hosi abitante hira mak atu simu daudaun ne’e dadus ami-nia ekipa sei rekolla hela, maibé sensibilizasaun ne’ebé ami hala’o kada suku ami sei foti alvu  ema na’in-20, maibé ha’u fiar katak komunidade Ataúro másimu sei partisipa vasina ne’e,” nia hateten tan.

Kona-bá vasina AstraZeneca ba ekipa liña frente doze daruak nian, sei lansa hotu iha segunda mai ne’e, maibé daudaun ne’e maioria seidauk simu vasina doze dahuluk, tanba ekipa liña frente maioria hela dook ne’ebé mobiliza informasaun mak sira mai simu ne’ebé semana ida ne’e vasina ba ekipa liña frente no semana oin ba komunidade etapa dahuluk nian.

“Ekipa liña frente Ataúro nian hamutuk 175 ne’ebé daudaun ne’e sira ne’ebé simu kompleta ona vasina AstraZeneca doze daruak nian hahú hosi segunda-kuarta (14-16/06) hamutuk na’in-49 no agora seidauk simu ne’e sei iha ema na’in 127, no vasina ne’ebé haruka mai Ataúro ba etapa daruak nian hamutuk doze 25,” nia informa.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here