Pontu vokál RHTO Covalima, Honório Gusmão. Imajen Tatoli/Celestina Teles

COVALIMA, 16 juñu 2021 (TATOLI)-Organizasaun Raes Hadomi Timor Oan (RHTO) hamutuk ho Asosiasaun Rede Covalima (ARC), kuarta ne’e, iha Sede Suku Suai, Loro, Covalima,  hala’o sensibilizasaun ba autoridade lokál-sira ho  komunidade kona-bá inkluzaun ba ema ho defisiénsia (EhD).

Notísia Relevante : RHTO halo sensibilizasaun kona-bá direitu ema ho defisiénsia

“Ita presiza halo sensibiliza ba ema defisiénsia no mós ba komunidade no estrutura suku sira tanba dala-barak ita nafatin uza lia fuan ladún apár ba ho ema defisiénsia-sira,” pontu vokál RHTO Munisípiu Covalima, Honório Gusmão, esplika liuhosi atividade sensibilizasaun ne’e.

Nia hatutan, atu hamenus ka halakon linguajen ne’ebé apropriadu ba ema ho defisiénsia, maka presiza duni sensibilizasaun, nune’e komunidade ein-jerál bele hatene oinsá atu utiliza lia-fuan ba maluk defisiénsia-sira.

Durante ne’e RHTO hala’o ona sensibilizasaun ba komunidade Suku Debos, Kamanasa, Dato Tolu, Zulo, Labarai, Belecasak, Beco no Suai Loro.

Tuir planu,  iha loron 17 juñu ne’e, kontinua hala’o sensibilizasaun iha  Suku Dato Rua, Postu Administrativu Fohorem.

Jornalista       : Celestina Teles

Editór             : Francisco Simões 

 

HAKEREK NO HATÁN

Please enter your comment!
Please enter your name here