Tempu serka sanitária iha Covalima. Imajen TATOLI/Eugénio Pereira

COVALIMA, 16 juñu 2021 (Tatoli) – Negosiante-sira iha merkadu no kioske sira iha Munisípiu Covalima, susar ba beibeik hetan rendimentu tanba sasán ne’ebé sira fa’an durante ne’e la folin.

Notísia Relevante : Governu mantein impozisaun Serka Sanitária iha Baucau, Covalima no Dili

Xefe Suku Suai Loro, Martinho Mendonça. Imajen Tatoli/Celestina Teles

Xefe Suku Suai Loro, Munisípiu Covalima, Martinho Mendonça, fó sasin katak, negosiante sira hahú hosi sira ne’ebé fa’an produtu lokál iha merkadu,  kioske-sira ho loja balun iha Covalima la hetan rendimentu, hanesan tinan sira liubá tanba Governu aplika serka sanitária no konfinamentu obrigatóriu iha Covalima.

“Ita halai liubá ekonomia durante ne’e sai preokupasaun hosi inan-aman sira ne’ebé fila-liman, maka la iha rendimentu. Sira-nia produtu lokál lori ba merkadu la folin no sira nia kioske, ema la ba sosa,” Martinho Mendonça hateten ba  Agência Tatoli iha Sede Suku Suai Loro, kuarta ne’e.

Durante Governu aplika serka sanitária, Martinho Mendonça, hatutan, maioria populasaun la ba merkadu no la halo atividade merkadoria nian. Nune’e, produtu lokál sira, hanesan modo-tahan, ai-mana, tomate no seluk tan dodok no soe de’it.

Susar liután, negosiante sira ne’ebé fila-liman foti osan ka kréditu iha ajénsia finanseiru sira, hanesan Kaibauk, Moris Rasik no seluk tan. Tanba iha situasaun ne’e sira la hetan rendimentu, difisil ba sira atu devolve sira-nia obrigasaun semana-semana hatama fali osan ba ajénsia ka instituisaun finanseira sira-ne’e.

Jornalista       : Celestina Teles

Editór             : Francisco Simões 

HAKEREK NO HATÁN

Please enter your comment!
Please enter your name here