Ministru Administrasaun Estatál, Miguel Pereira de Carvalho. Imajen TATOLI/Egas Cristóvão

DILI, 16 juñu 2021 (TATOLI)–Ministru Administrasaun Estatál (MAE), Miguel Pereira de Carvalho, hateten, Konsellu Ministru nomea ona Prezidente Autoridade rua no Administradór munisipál rua, ne’ebé fulan ne’e nia laran sei fó pose atu halo funsaun.

“Ha’u hanoin semana ida no rua tan (fulan ne’e) sei organiza pose ba Prezidente Autoridade no Administradór munisipál iha munisípiu haat atu hala’o funsaun ba períodu tinan lima,” Ministru Miguel, hateten, iha resintu Ministériu Finansa, Aitarak-laran, kuarta ne’e.

Notísia relevante: Governu nomea Autoridade munisipál haat

Governu nomea Prezidente Autoridade munisípiu Bobonaro, Ernesto de Oliveira Barreto, Prezidente Autoridade Ermera, Eusébio Salsinha, Administradór munisípiu Liquiçá, Pedro Paulo Gomes no Administradór munisípiu Manatuto, Bernardo Lopes.

Kona-ba Prezidente Autoridade Munisípiu Dili, seidauk bele avansa iha Konsellu Ministru tanba Autoridade munisipál seidauk realiza Konsellu Konsultivu Munisipál ho razaun Serka Sanitária no konfinamentu domisiliáriu jerál obrigatóriu ne’ebé impoin iha Dili, maibé tempu badak bele realiza ona.

Notísia relevante: Governu hakotu konfinamentu domisiliáriu no autoriza hikas movimentu transporte públiku

“Ohin Konsellu Ministru termina ona konfinamentu obrigatóriu, ne’ebé Konsellu Konsultivu Munisipál semana oin bele realiza ona enkontru atu hato’o relatóriu atubele submete ba Konsellu Ministru,” nia akresenta.

Jornalista : Florêncio Miranda Ximenes

Editora     : Julia Chatarina

HAKEREK NO HATÁN

Please enter your comment!
Please enter your name here