Ministru Ensinu Superiór, Siénsia no Kultura, Longuinhos dos Santos. Imajen Tatoli/Egas Cristovão

DILI, 16 juñu 2021 (TATOLI) – Molok remata fulan ne’e, Ministru Ensinu Superiór, Siénsia no Kultura (MESSK), Longuinhos dos Santos, garante katak ezekusaun orsamentu jerál estadu (OJE) 2021 ba MESSK  bele to’o 40%.

Notísia Relevante : MESSK hahú diskute programa iha proposta OJE 2022

Iha trimestral dahuluk ne’e, MESSK ezekuta ona 23%, tirmestre daruak 30% tanba ne’e, Ministru Longuinhos dos Santos, la duvida bainhira remata juñu ne’e, bele atinje 40%.

“Maske ami foin mak atinje 30%, maibé ha’u fiar katak to’o fin de juñu ami bele atinje 40%, ne’e faze normál,” Ministru Loguinhos dos Santos, hateten hodi responde Agência Tatoli iha edifísiu Ministériu Finansas, Dili, kuarta ne’e.

Iha sorin seluk Ministru Longuinhos mós informa kona-bá injesaun propina no liña internet ba estudante sira remata ona no hein de’it prosesu pagamentu.

Notísia Relevante : OJE 2021, trimestre dahuluk MESSK ezekuta 23%

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here