Karreta Prado Parlamentu Nasionál. Imajen/Espesiál

DILI, 16 juñu 2021 (TATOLI)—Sekretariadu Parlamentu Nasionál kontinua hein desizaun Tribunál Distritál Dili (TDD) nian kona-ba eis deputadu na’in-12 ne’ebé seidauk entrega (fó fila) karreta Prado ba Estadu.

Notísia Relevante: Eis-Deputadu Na’in-12 Seidauk Entrega Karreta Prado

“Hein de’it tribunál deside bainhira mak tribunál hakotu lia ne’e atu fó karreta Prado ne’e ba sé, ba eis-titulár ne’e ka fó fila-fali ba Estadu. Tribunál mak sei deside,” Sekretáriu Jerál Parlamentu Nasionál, Adelino Afonso de Jesus, informa ba jornalista sira, iha Parlamentu Nasionál, kuarta ne’e.

Nia dehan, kazu ne’e iha prosesu la’o ona iha tribunál tanba ne’e hosi parlamentu hein de’it desizaun tribunál ba karreta Prado ne’e. Nia parte lakohi influénsia desizaun tribunál nian maibé hein de’it desizaun hosi TDD.

Karreta ho marka Prado ne’e kompra iha III Lejislatura ho folin rihun $63 kada unidade, maibé deputadu na’in-12 ne’ebé hakotu sira-nia mandatu iha Parlamentu Nasional, deside la entrega (fó fila) ba Estadu to’o ohin loron.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here