Ema ho defisiénsia (EhD) sira bainhira partisipa iha workshop kona-bá sensibilizasaun Planu Nasionál ba Ema ho Defisiénsia ba Setór Edukasaun 2020-2024, iha Salaun Infordepe, Balide, Dili, 01 Outubru 2020. Imajen TATOLI/António Gonçalves.

DILI, 16 juñu 2021 (TATOLI) – Estudante ema ho defisiénsia (EhD) matan no tilun  na’in-20 ne’ebé integra iha edukasaun nivel ensinu rekorrente hetan ona rezumu matéria hosi profesór-sira.

Diretór Ezekutivu Asosiasaun Defisiénsia Timor-Leste (ADTL), Cesario da Silva, hateten antes ne’e ninia membru na’in-20 ne’e la hetan rezumu matéria tanba mosu obstákulu no dezafiu hosi profesór-sira atu prepara rezumu matéria.

“Ami nia membru na’in-20 hetan ona rezumu matéria tanba ami tenta no esforsa maka’as koordena ho diretór no profesór-sira hodi halo preparasaun ba rezumu matéria sira ne’e,” Cesario da Silva, hateten  ba Agência Tatoli iha nia servisu fatin, Dili, kuarta ne’e.

Hosi sorin seluk, Diretór Nasionál Ensinu Rekorrente (DNER) José Altur Viana akresenta estudante defisiénsia ne’ebé mak partisipa iha edukasaun ensinu rekorrente ne’e laiha ida mak la hetan rezumu matéria, ida ne’e tanba esforsu parte rua hodi husu profesór-sira atu prepara rezumu matéria ba estudante-sira.

“Ita hotu esforsa nafatin iha uma tanba matéria ne’ebé profesór-sira distribui ne’e konsidera matéria espesífiku ne’ebé sira rasik mak komprende  ho maneira  saida mak sira atu halo,” José Altur Viana hateten.

Jornalista : Tomé Amado

Editór        : Francisco Simões

HAKEREK NO HATÁN

Please enter your comment!
Please enter your name here