Komandante PNTL Munisípiu Covalima, Superintendente António Maria de Sá. Imajen Tatoli/Celestina Teles

COVALIMA, 15 juñu 2021 (TATOLI) – Polísia Nasionál Timor-Leste (PNTL)  Munisípiu Covalima hamutuk ho Sentru Integradu Jestaun Krize (SIJK) preparadu fó seguransa ba pesoál saúde (PS)  sira ne’ebé  tuun ba terrenu hali atividade vasina AstraZeneca iha área jurisdisaun Covalima.

Notísia Relevante : PNTL Covalima kontrola bola-mania sira viola regra serka sanitária

Bainhira tun ba terrenu  iha buat ruma,  komandu nia odamatan nakloke, númeru telefone iha liga lalais. Ha’u ho administradór, ami tun ita bele esklarese tiha problema sira hotu,” Komandante PNTL  Munisípiu  Covalima, Superintendente  António Maria de Sá, informa ba Agência Tatoli iha Covalima, tersa ne’e.

António hatutan, atu hala’o servisu iha terrenu maneira ne’ebé di’ak liu mak tenke iha komunikasaun, nune’e labele iha impedimentu.

Ha’u espera iha Munisípiu Covalima situasaun kontroladu. Ita-nia komunidade hatudu ita-nia espíritu  katak sei la mosu buat ruma ne’ebé mak la tuir ita-nia hakarak,” António de Sá hateten.

Jornalista       : Celestina Teles

Editór             : Francisco Simões 

HAKEREK NO HATÁN

Please enter your comment!
Please enter your name here