Xefe Sentru Saúde Viqueque Vila, Celestina da Costa Alves. Imajen Tatoli/Vitorino Lopes da Costa

VIQUEQUE, 15 juñu 2021 (TATOLI)- Hosi inísiu janeiru to’o maiu 2021, Sentru Saúde Viqueque Vila, rejista pasiente moras Inspesaun Respiratóriu Aguda (IRA)  hamutuk na’in-3.777.

Ho númeru pasiente ne’e, hatuur gráfiku moras IRA maka domina iha Viqueque ho persentajen boot.

“Moras seluk ne’ebé rejista mós maibé númeru ki’ik. Agora IRA maka númeru boot tebes durante ne’e,” Xefe Sentru Saúde Viqueque Vila, Celestina da Costa Alves,  informa  ba Agência Tatoli iha Sentru Saúde Viqueque Vila, tersa ne’e.

Tuir analiza médiku, katak moras IRA rejista as iha area jurisdisaun Viqueque Vila tanba impaktu husi rai-rahun, hodi provoka me’ar, inus-metin ka inus-been no kakorok katar, maibé agora mosu Covid-19 komunidade sira ta’uk ba sentru saúde, tanba tauk swab.

Moras seluk ne’ebé rejista ho númeru ki’ik iha sentru saúde refere maka  moras kulit ho pasiente  1.018, diarreia (1.648), Pneumonia (444), Sccbies (432), diarreia ho ran (76) no rejista asidente tráfiku 45.

“Mosu Covid-19 iha Viqueque komunidade sira la mai sentru saúde ne’e, maibé  ita   koloka hotu ona pesoál saúde kompostu husi enfermeiru, médiku no parteira hodi  destaka  iha postu saúde  sira iha suku atu    komunidade sira la mai sentru sira  bele halo tratamentu de’it postu saúde sira iha suku,” Celestina da Costa Alves informa.

Jornalista : Vitorino Lopes da Costa

Editór      : Francisco Simões

HAKEREK NO HATÁN

Please enter your comment!
Please enter your name here