Diretór Sentru Solidariedade, Sosiál no Inkluzaun Munisípiu Viqueque, Geraldo de Carvalho. Imajen Tatoli/Vitorino Lopes da Costa

VIQUEQUE, 15 juñu 2021 (TATOLI)-Diretór Sentru Solidariedade, Sosiál no Inkluzaun Munisípiu Viqueque, Geraldo de Carvalho, informa dadus  idózus Munisípiu Viqueque   ne’ebé sai benefisiáriu ba subsídiu hosi governu hamutuk na’in-8.752.

“Iha 2021,  Sentru Solidariedade Sosiál no Inkluzaun iha dadus idózus Munisípiu Viqueque ativu hela mak  hamutuk 8.752,” Geraldo de Carvalho hateten ba Agênsia Tatoli iha Viqueque Vila, tersa ne’e.

“Iha tinan ida ne’e mós ami rejista idózus foun no inválidu sira-nian dadus   tama  hotu ona iha nasionál bainhira  lista editais mai ami sei ba taka sai iha postu administrativu hodi halo pagamentu,” nia konfirma tan.

Geraldo hatutan, pagamentu ba benefisiáriu kada fulan ema ida simu $30.00, maibé idózus foun sei halo pagamentu  la hanesan tuir data rekerimentu (rejistu ba idózus) fulan tolu sei simu $90.00,  fulan haat nian simu $120.00 ne’e ba idózus foun.

Pagamentu iha fulan neen nian  ne’e, Banco Nasionál Komérsiu Timor-Leste (BNCTL) mak kria oráriu  mak foin halo pagamentu, lista editais Sentru MSSI Viqueque prepara ona hein taka sai iha postu sira.

Jornalista : Vitorino Lopes da Costa

Editór      : Francisco Simões

 

HAKEREK NO HATÁN

Please enter your comment!
Please enter your name here