Ministru Ensino Superiór, Siénsia no Kultura (MESSK), Longuinhos dos Santos. Imajen Tatoli/Francisco Sony

DILI, 14 juñu 2021 (TATOLI) – Ministru Ensinu Superiór Siénsia no Kultura (MESSK) Longuinhos dos Santos, husu ba korpu diplomátiku-sira, liuliu embaixada-sira iha Timor-Lesteho ajénsia internasionál-sira atu koopera ho Governu TL bainhira atribui bolsa estudu parsiál ba bolseiru timor-oan sira atu ba eskola iha rai-li’ur.

Ministru Longuinhos dos Santos, segunda ne’e, hateten bá jornalista sira katak dekretu Governu númeru 30/2008 fó kompeténsia atu fó atribuisaun bolsa estudu ba estudante-sira hodi ba eskola iha rai-li’ur. Agora ajénsia internasionál inklui embaixada-sira TL  hakarak atribui bolsa estudu parsiál ba estudante sira tenke fó koñesimentu ba Governu atu loron ikus mosu dezentendimentu iha nasaun ne’ebé estudante-sira eskola ba Governu TL bele hatene.

“Ami husu ba embaixada-sira iha Timor no ajénsia internasionál ne’ebé apoiu bolsa estudu ba timoroan sira tenke iha rekoñesimentu ba Governu,” Ministru Longuinhos dos Santos hateten iha kampus Universidade Nasionál Timor Lorosa’e (UNTL), segunda ne’e.

Nia afirma katak dala barak embaixada ka ajénsia internasionál sira haruka estudante timor-oan ba eskola iha rai-li’ur laiha koñesimentu ba Governu. MESSK mak trata asuntu akadémiku loloos tenke hatene, atu nune’e ,bele iha liña koordenasaun.

“Se lae to’o mosu problema maka Governu foin hatene,” Ministru Longuinhos dos Santos afirma tan.

Governante ne’e husu bá embaixada Xina iha Timor Leste ne’ebé fó ona oportunidade bá estudante timor-oan na’in-16 atu ba eskola iha Xina atu koopera nafatin ho Governu liu-liu Ministériu Ensinu Superiór.

Jornalista : Tomé Amado

Editór        : Francisco Simões

HAKEREK NO HATÁN

Please enter your comment!
Please enter your name here