Labarik halo atividade piñeira rai henek iha mota Comoro, kinta (21/06). Imajen TATOLI /António Gonçalves

DILI, 12 juñu 2021( TATOLI)Prezidente Konsellu Nasionál Kontra Traballu Infantil (CNCTI, sigla portugés), Aniceto Leto Soro, hateten, parte Konsellu submete ona esbosu lei lista atividade perigozu ba labarik, iha Ministériu Koordenadór Asuntu Ekonómiku (MKAE) no Sekretaria Estadu Formasaun Profisionál no Empregu (SEFOPE).

“Kona-ba esbosu lista atividade perigozu, bandu traballadór infantil entre idade 5-17, labele kaer serbisu todan no esbosu ne’e ami aprova no  haruka ona ba iha SEFOPE no MKAE atu aprova iha Konsellu Ministru,” Prezidente CNCTI informa ba Agência TATOLI, via telefónika, sábadu ne’e.

Nia dehan, planu ne’ebé parte Konsellu halo maka ratifikasaun konvesaun 138 liga ba traballu minoridade sira ne’ebé entre idade 13-15, serbisu tuir kritériu balun ne’ebé maka ami estabelse iha konvesaun ne’e.

“Ita presiza aprova ka ratifika hodi fó mos tempu ba labarik sira ho idade 13-15, tanba ita-nia lei traballu permite atu labarik sira halo serbisu. Tanba ne’e, ita presiza iha lei ne’ebé maka forte atu asegura, nune’e labarik sira labele halo serbisu iha fatin risku,” nia akresenta.

Enkuantu, liga ho loron mundiál kontra traballu infantil, ne’ebé monu iha loron 12 juñu, CNCTI halo de’it talk showne’ebé involve mós sindikatu traballadór, emprezáriu, sosiadade sivíl, no  governante sira hosi MKAE no SEFOPE atu haree asuntu konjuntu Konsellu.

“Horseik ami debate esbosu sira ne’ebé maka hanesan eleminasaun traballu infantil, esbosu lista atividade perigozu no oinsá maka atu halo ratifiksaun ba konvensaun balun, ho nune’e kona-ba ezbosu sira ami prepara no entrega ona ba MKAE no SEFOPE atu lori ba Konsellu Ministru atu aprova,” Prezidnte CNCTI haktuir.

Tema ba loron mundiál kontra traballu infantil tinan ne’e maka ‘asaun agora prevene traballu infantil’.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here