Diretor CCCMB, Guido Ricardo Belo. Imajen TATOLI/Natalino Belo

BAUCAU, 11 juñu 2021 (TATOLI)—Servisu Sentru Solidariedade Sosiál Munisípiu Baucau (CCCMB, sigla Portugés) fó apoiu téknikamente ba Banku Nasional Komérsiu Timor-Leste (BNCTL, sigla Portugés), relasiona ho pagamentu idozu sira iha Baucau.

“Téknikamente ami apoia halo koordenasaun serbisu balun, ligadu ho BNCTL kona-ba mekanizmu pagamentu to’o iha postu admistrativu,” Diretór CCCMB hateten iha ninia knaar fatin, Villa nova, Baucau, sesta ne’e.

Notísia relevante: Fulan ne’e, BNCTL hahú halo pagamentu ba idozu sira

Nia esplika, bainhira halo ona transferénsia, Banku Nasionál sei dezeña kalendáriu pagamentu no hato’o koñesementu iha CCCMB relasiona ho kalendáriu pagamentu tuir loron ne’ebé fixa ona, hahú hosi postu admistrativu.

“Téknika sira ne’ebé iha kada postu halo akompanãmentu, bainhira prosesu pagamentu no iha preokupasaun mosu, ita hamutuk ho BNCTL haree atu solusiona kazu pur kazu, karik enfrenta iha momentu pagamentu,” nia akresenta.

Pagamentu ba benefisiáriu sira daudaun ne’e iha empedementu oituan ligadu ho preokupasaun situasaun COVID-19, nune’e sei prodús mekanizmu pagamentu ne’ebé labele fó implikasaun ba benefisiáriu bainhira halo pagamentu.

“Ami hein hela tamba kalendáriu seidauk to’o mai, agora sei iha nível ida altu, maibé téknikamente ami seidauk bele resposta ho di’ak ba públiku tanba kalendáriu BNCTL prodús mai ona no to’o ona ami-nia meza, ne’ebé ami organiza ekipa monitorizasaun kada postu idaidak atubele haree” nia hatutan.

Tuir dadus hosi CCCMB rasik, rejista benefisiáriu hamutuk 14.687, kompostu hosi idozu no invalidez.

Antes ne’e, Dirijente BNCTL rasik klarifika daudaun ne’e prosesu pagamentu ba benefisiáriu sira sei adia tamba implentasaun Serka Sanitária ligadu ho COVID-19 iha Timor-Leste no parte Ministériu Solidaridade Sosiál No Inkluzaun (MSSI) rasik sei buka mekanizmu hodi labele halai-ses hosi regra sanitária.

Aleinde ne’e, Governu liuhosi Institutu Nasionál Seguransa Sosiál (INSS) submete ona dadus benefisiáriu hamutuk 94.000 hosi territóriu tomak ba BNCTL no tuir planu sei halo pagamentu iha fulan-juñu nia laran.

Jornalista: Natalino Belo

Editora: Julia Chatarina

HAKEREK NO HATÁN

Please enter your comment!
Please enter your name here