Ilustrasaun IRA. Imajen/Espesiál

COVALIMA, 11 juñu 2021 (Tatoli) –Infesaun respiratória agudu (IRA/ISPA), moras kulit ho diarea, sai hanesan moras ne’ebé rejista  as iha  postu saúde Ogues, Munisípiu Covalima.

“Impaktu  ba ita nia saúde ambiente ne’ebé lá moos,  rai-rahun, soe lixu arbiru, hariis bee-mota merak, lori moras tolu ne’e ba abitante-sira,” pesoál saúde iha postu saúde Ogues,  Carlos da Cunha Moniz, informa  ba Tatoli iha postu saúde Ogues, sesta ne’e

Nia informa, bainhira pasiente ho moras tolu ne’e konsulta iha postu saúde, maka pesoál saúde ne’ebé fó asisténsia sempre fó hanoin atu oinsá moris saudavel, liuliu pasu prevensaun sira simples hanesan fase-liman beibeik ho sabaun molok han, hamoos uma ninin no la bele hariis bee-merak.

Iha marsu to’o maiu 2021, postu saúde Ogues rejista moras IRA hamutuk 697, hosi númeru ne’e mane 230 no feto 468. Tuir fali moras kulit hamutuk pasiente 49 (mane 22 no feto 27) ho moras diarea ho pasiente hamutuk 36,  mane 12 no feto 24.

Jornalista       : Celestina Teles

Editór             : Francisco Simões 

HAKEREK NO HATÁN

Please enter your comment!
Please enter your name here