Institutu Boaventura Timor-Leste (IBTL) . Imajen/Espesiál

DILI, 10 juñu 2021 (TATOLI) – Institutu Boaventura Timor-Leste (IBTL) ho Instituto Profissional  de Canossa (IPDC) hetan oportunidade hodi simu estudante bolsa hakbiit hamutuk na’in 22 iha tinan ne’e.

Notísia Relevante : FDCH ho IESPP-sira asina MoU apoia bolsa hakbiit ba benefisiáriu 910

Magnífiku Reitora IBTL, Quiteria da Costa, hateten nia ladún kontente tanba sira hetan de’it estudante bolsa haki’it na’in-rua (2) mak sei integra iha fakuldade Tékniku Sivíl tanba razaun hosi Fundus Dezenvolvimentu Kapitál Umanu (FDCH) katak sira nia dokumentu la kompletu.

“Ha’u triste uitoan tanba ami hetan de’it estudante bolseiru na’in-rua (2) ho razaun ami nia dokumentu la konkorre iha selesaun ne’ebé FDCH halo,” Quiteria da Costa haktuir  ba Agência Tatoli iha Dili, kinta ne’e.

Reitora IBTL ne’e esplika sira foin eziste tinan-tolu ho fakuldade haat. Fakuldade rua hetan ona lisensa no rua seidauk. Fakuldade hetan ona lisensa mak hanesan Ekonomia, Jestaun no Fakuldade Tékniku Sivíl agora fakuldade rua sei prosesu ne’e maka Saúde Públika Enfermajen ho Fakuldade Agrikultura.

Magnífiku Reitora IPDC, Me. Ervinia Martins Brito, akresenta katak sira hetan oportunidade atu simu estudante bolsa hakbiit na’in-20 no sei koloka iha Fakuldade Tékniku Informátika.

“Ami hein de’it prosesu tuir mai, kuandu atu kontinua filafali asina memorandum ho FDCH ho universidade, ami sei aselera prosesu ne’e,” nia tenik.

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here