Ateleta Timor-oan partisipa iha eventu desportivu Internasionál. Imajen/Dok. Espesiál

DILI, 09 juñu 2021 (TATOLI) – Prezidente Konfederasaun Desportiva Timor-Leste (CDTL-sigla Portugés), Afranio Xavier Amaral, husu atu Governu re-ativa desportu individual sira atu treinu.

Notísia Relevante : Atividade desportu kontinua suspende

“Ami atu prepara atleta sira ho di’ak ne’e atleta sira ne’ebé treinu indivíduu ne’e bele hala’o treinu, se kuandu Estadu Emerjénsia no Serka sanitária ne’e hahú beibeik mak atleta sira ne’ebé konsentra iha Dili ne’e sei la halo treinu, ida ne’e problema ida ba ita,” Afranio Xavier Amaral hateten  ba Agência Tatoli iha Jináziu Dili, kuarta ne’e.

Nia dehan, ema desportu sira treinadu iha imunidade ne’ebé forte. Tanba ne’e bele hala’o treinu hanesan, Atletizmu, Natasaun no seluk tan ne’ebé hala’o treinamentu individuál bele treinu importante mantein distansiamentu sosiál no kumpre nafatin protokolu saúde nian.

Hatán ba kestaun ne’e, Sekretáriu Estadu Juventude no Desportu (SEJD), Abrão Saldanha hatete, atividade desportu hotu labele hal’ao lai tanba situasaun surtu Covid-19 tama ona iha faze transmisaun komunitáriu.

“Situasaun agora tama ona ba transmisaun komunitária, ita la hatene ema ida iha hela virus ne’e ita bele deskonfia malu, ne’ebé haree lai vasina ne’e komunidade Dili hetan hotu ona entaun ita bele hala’o fali atividade sira ho normal, tanba vasina ne’e bele kontra ona moras ne’e maibé ita kontinua tuir nafatin regra saúde nian,”  Abrão Saldanha  hateten hodi responde Agência Tatoli iha nia servisu fatin, tersa (08/6).

Jornalista       : Hortencio Sanchez

Editór              : Francisco Simões

HAKEREK NO HATÁN

Please enter your comment!
Please enter your name here