Vasina AstraZeneca. Imajen TATOLI/António Gonçalves

VIQUEQUE, 08 juñu 2021 (TATOLI) – Ekipa Saúde Munisípiu Viqueque nian, tersa ne’e, hahú halo sensibilizasaun ba komunidade kona-bá viziña AstraZeneca doze daruak nian.

Notísia Relevante : Serka sanitária, difikulta komunidade Uai-Mori asesu ba merkadu

Tuir oráriu hosi Ministériu Saúde katak iha loron 11 juñu ne’e, sei realiza vasina AstraZeneca doze daruak ba territóriu nasionál.

Xefe Suku Uai-Mori, Francelino Antonio Gomes, ne’ebé lori nia komunidade partisipa iha sensibilizasaun vasina doze daruak ne’ebé hala’o iha salaun administrativu Munisipál Viqueque, informa sensibilizasaun ne’e importante tebes ba komunidade atu komunidade bele hatene ho di’ak liu tan kona-bá tansá maka tenke vasina daruak.

“Iha suku Uai-Mori foin ami nain tolu, ha’u no xefe aldeia na’in rua mak simu vasina AstraZeneca restu seidauk simu vasina tanba iha dose dahuluk ne’e sira labele simu no distánsia dook,” Francelino Antonio Gomes informa ba Agênsia Tatoli.

Francelino hatutan, agora daudaun autoridade lokál hamutuk ho ekipa saúde-sira hahú rekolla tuir uma kain hodi oferese sensibilizasaun ba komunidade oinsá simu vasina AstraZeneca.

Faracelino husu ba komunidade simu vasina hotu no la bele labele fiar informasaun falsu sira iha media sosiál.

“Ha’u nafatin fó motiva ba komunidade Uai-Mori hodi bele simu vasina atu bele aumenta komunidade nia imunidade ba próteze-an hosi propagasaun COVID-19,”  Francelino hateten.

Suku Uai-Mori iha Aldeia neen (6) kompostu hosi Aldeia Uma-Liurai, Uma-Bo O, Uaibubu, Lulei, Uatulesu no Mea-Uain ho  totál uma kain 514, membru família 2.329 (feto hamutuk 1.188 no mane 1.141

Jornalista            : Vitorino Lopes da Costa
Editór                  : Franciso Simões

PUBLISIDADEiklan

HAKEREK NO HATÁN

Please enter your comment!
Please enter your name here