Embaixadór EUA iha Timor-Leste, Charles Kevin Blackstone. Imajen TATOLI/Egas Cristóvão

DILI, 08 juñu 2021 (TATOLI)—Embaixadór Estadu Unidu Amérika (EUA), Charles Kevin Blackstone hasoru malu ho Primeiru-Ministru (PM), Taur Matan Ruak, hodi informa kona-ba vasina.

“Hanesan nasaun ne’ebé kontribui maka’as liu ba esforsu COVAX Facility, aban ha’u kontente ba Aeroportu hodi simu tan vasina AstraZeneca hamutuk doze 108.000, ne’ebé apoiu hosi COVAX Facility no Nova Zelándia,” Diplomata ne’e hateten hafoin ramata enkontru ho Xefe Governu, iha Rezidénsia Farol, tersa ne’e.

Notísia relevante: Vasina efetivu, númeru pozitivu COVID-19 hahú menus

Tuir nia, Austrália apoia ona vasina ba nasaun sira ho kuantidade millaun 80 hodi kombate pandemia globál ne’e.

Nia haktuir, iha enkontru ne’e, PM partilla preokupasaun katak dezafiu ne’ebé akontese ba Timór la’ós de’it lori vasina mai Timor-Leste, maibé oinsá atu administra vasina ba populasaun.

“Ha’u konkorda ho preokupasaun ida-ne’e, tanba ne’e durante ha’u-nia viajen ba munisípiu sempre husu ba populasaun ne’ebé ha’u hasoru katak simu ona vasina ka lae? tanba vasina nu’udar medida importante redús propagasaun vírus ne’e rasik,” nia subliña.

Tuir dadus, to’o iha segunda (07/06), ema ho idade 18 ba leten hamutuk 100.000 iha territóriu tomak mak simu vasina tipu AstraZeneca doze dahuluk., nune’e iha loron 11 juñu sei hahú vasina doze daruak.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here