Diretór Jerál Arte no Kultura, Manuel Ximenes Smith. Imajen: Nelia Fernandes

DILI, 08 juñu 2021 (TATOLI)-Sekretária Estadu Arte no Kultura (SEAK) ezekuta ona Orsamentu Jerál Estadu (OJE) 2021, hamutuk 23,3% ho ekivalensia $394.536 hosi montante millaun $2.097.144

“Hosi janeiru to’o juñu ne’e, Sekretária Estadu Arte no Kultura ezekuta ona orsamentu jerál estadu (OJE) 2021 ne’e hamutuk 23,3% ona,” Diretor Jerál Arte no Kultura, Manuel Smith, hateten ba Agênsia Tatoli iha nia knaar fatin, Avenida Portugal, Dili, tersa ne’e.

Manuel Smith, informa Orsamentu Jerál Estadu (OJE) 2021 ne’ebé aloka ba Sekretaria Estadu Arte no Kultura (SEAK) liuhosi Ministériu Ensinu Superiór Siínsia no Kultura (MESSK) ho montante hamutuk $2.097.144 ne’e aloka ba Gabinete Sekretáriu Estadu Arte no Kultura, Gabinete Dirasaun Jerál Arte no Kultura, Dirasaun Nasionál Biblióteka Muzeu, Dirasaun Nasionál Patrimóniu Kulturál, Dirasaun Nasionál Protesaun Arte no Kultura no Unidade Implementasaun Akadémia da Arte.

“Kada dirasaun ita koloka osan, tuir planu orsamentu jerál ne’ebé Dirasaun Nasionál sira propoin iha sirania planu Orsamentu de Estadu ne’ebé tuir programa, sira atu implementa kada tinan tomak,” nia hateten.

Nia haktuir, alokasaun orsamentu ba iha Gabitene Sekretária Estadu Arte no Kultura, ba “salariu vensimentu” hamutuk $91.392, Dirasaun Jerál Arte Kultura $85.392, Dirasaun Nasionál Biblióteka Muzeu hamutuk $104.100, Dirasaun Nasionál Patrimóniu Kultural hamutuk $54.344, Dirasaun Nasionál Promosaun Arte no Kultura hamutuk $92.400 no Unidade Implementasaun Akadémia nia implementasaun ba de’it osan ne’ebé iha bens servisu la enkaixa ho osan saláriu vensimentu.

Hosi osan “bens servisu” ne’ebé ita aloka ba iha kada diresaun tékniku ho Gabinete Sekretáriu Estadu no mós Gabinete Dirasaun Jerál, ita aloka totál ba tinan ida ba iha Gabinete Sekretáriu Estadu Arte Kultura hamutuk $230.92, Dirasaun Jerál Arte no Kultura hamutuk $239.954, Dirasaun Nasionál Biblióteka no Muzeu hamutuk $785.830, Dirasaun Nasionál Patrimóniu Kulturál hamutuk $457.014, Dirasaun Nasionál Protesaun Arte no Kultura hamutuk $744.833 no Unidade Implementasan Akademia hamutuk $233.420.

Hosi totál orsamentu ne’ebé aloka ba hamutuk, 2.097.144, hahú hosi fulan-janeiru to’o juñu 2021, dirasaun sira ezekuta osan hanesan Gabinete Sekretáriu Estadu Arte no Kultura, orsamentu ne’ebé gasta husi saláriu vensimentu nomós bens servisu totál orsamentu ne’ebé gasta hamutuk $85.82 ekivalensia ho 37.8%.

Diresaun Jerál Arte Kultura hamutuk rihun $80, ne’ebé gastu hosi primeiru to’o segundu trimestre hamutuk $80.470 ekivalensia ho 33.5%, Dirasaun Nasionál Biblióteka Muzeu gasta hosi primeiru to’o segundu trimestre hamutuk $66.81 ekivalensia 36%, Diresaun Nasionál Promosaun das Arte Kultura gasta iha primeiru to’o segundu trimestre, inkluindu saláriu vensimentu no bens servisu hamutuk $32.849 ekivalensia ho 5.5%, Dirasaun Nasionál Patrimóniu Kultural $54.962, inklindu saláriu vensimentu hamutuk ekivalensia ho 11.08%, Unidade Implementasaun Akadémia gasta hosi primeiru to’o segundu trimestre hamutuk $75.301 ekivalensia ho 31.5%.

“Hosi taxa ezekusaun tomak atinje ona $23.3%, ho total orsamentu $394.536. Entaun, orsamentu ne’ebé seida’uk ezekuta hahú hosi terseiru to’o quatru trimestre ita sei iha $1.552.607,” nia haktuir.

Notísia Relevante: PN aprova osan ba MESSK ho millaun $6-resin

Jornalista: Nelia Fernandes

Editór: Cancio Ximenes

 

HAKEREK NO HATÁN

Please enter your comment!
Please enter your name here