Vasina AstraZeneca. Imajen Tatoli/António Gonçalves.

COVALIMA, 08 juñu 2021 (TATOLI)–Administradór Postu Administrativu Fatululik, Munisípiu Covalima, Elias da Cruz, informa komunidade Fatululik prontu simu vasina AstraZeneca tuir orientasaun Governu Sentrál nian no tuir protokolu Organizasaun Mundiál Saúde (OMS) nian.

Notísia Relevante : COVID-19: óbitu ida, pozitivu 98 no ativu 2.115

Ha’u fiar komunidade hotu sei simu vasina AstraZeneca atu aumenta imunidade hodi enfrenta peste letál COVID-19,” Elias da Cruz, haktuir ba Agência Tatoli iha Fatululik, Covalima, tersa ne’e.

Nia halo apelu ba komunidade hotu iha Fatululik atu fiar de’it ba ekipa Saúde ho OMS kona-bá vantajen vasina AstraZeneca atu bele hasae imunidade ema ida-idak nian luta kontra pandemia COVID-19 ne’ebé iha ona faze transmisaun komunitária.

“Ami autoridade simu hotu vasina doze dahuluk. Ami sai sasin no ezemplu ba komunidade katak vasina AstraZeneca ne’e di’ak tebes. labele fiar informasaun bosok (HOAX) no boatu sira ne’ebé ema espalla iha rede sosiál Facebook,” nia afirma tan.

Nia informa antes ne’e komunidade lakohi simu vasina AstraZeneca, maibé hafoin autoridade lokál ho ekipa liña frente sira vasina tiha no sai ezemplu ba sira, agora sira hotu prontu atu simu vasina AstraZeneca.

Jornalista      : Celestina Teles 

Editór             : Francisco Simões 

HAKEREK NO HATÁN

Please enter your comment!
Please enter your name here