Diretora Programa Nasionál Dezenvolvimentu Suku (PNDS), Claudina Soares Pinto. Imajen TATOLI/Osória Marques.

DILI, 07 juñu 2021 (TATOLI)—Diretora Sekretariadu Tékniku Programa Nasionál Dezenvolvimentu Suku (ST-PNDS), Claudina Soares Pinto hateten, ohin, PNDS submete ona lista suku-aldeia alvu sira-ne’ebé labele asesu dalan ba Institutu Jestaun Ekipamentu, Institutu Públiku (IGE,I.P) atu apoiu ekipamentu hodi normaliza dalan.

Notísia Relevante: Governu hahú ona konstrui “Uma Kbiit Laek” 1.254 iha territóriu nasionál

“Tuir ami, dalan mak sai difikuldade bainhira implementa konstrusaun UKL ne’e ba iha aldeia alvu sira. Nune’e, ami halo koordenasaun ho Prezidente IGE no ohin ami submete ona lista suku no aldeia alvu sira-ne’ebé ita labele asesu ba dalan ba IGE para IGE haree iha posibilidade hodi apoiu ekipamentu, nune’e bele normaliza dalan no loke dalan ba aldeia alvu sira para ita bele garante implementasaun UKL ne’e,” Claudina Soares Pinto hateten ba Ajénsia TATOLI, iha nia knaar fatin Colmera, Dili, segunda ne’e.

Lista suku no aldeia sira-ne’ebé labele asesu dalan no susar mobiliza materiál sira-ne’e akontese iha munisípiu Ainaro, postu administrativu Ainaro iha suku Soro, postu administrativu Hatubuilico iha suku Mulo, postu administrativu Maubise iha suku Aituto, HoraiQuik, Maubise no suku Edi.

Iha munisípiu Baucau iha postu administrativu Laga, suku Soba, aldeia Asanuno, Samalari iha aldeia Desagua no suku Sagadete iha aldeia Ulabuti, postu administrativu Baguia iha suku Samalari, Afaloicai no Alaua Craik, postu administrativu Quelicai iha suku Laisorulai de Baixo, no postu administrativu Venilale iha suku Bado-Ho’o no Bahamori.

Iha munisípiu Bobonaro, postu administrativu Lolotoe iha suku Deudet, aldeia Oboro, postu administrativu Cailaco iha suku Atudara, Raiheu iha Aldeia Oho Ana, suku Goulolo, no postu administrativu Bobonaro iha suku Molop, aldeia Anapal.

Munisípiu Covalima, postu administrativu Fohorem iha suku Fohorem, aldeia Lorokidal. Postu administrativu Zumalai iha suku Lepo, aldeia Horba, suku Ucecai, aldeia Reaco, no suku Mape, aldeia Polo. Postu administrativu Fatululik iha suku Taroman, aldeia Makous.

Munisípiu Dili iha postu administrativu Metinaro, suku Mantelulão, aldeia Lubutun no postu administrativu Ataúro, suku Macadade no Makili.

Munisípiu Lautém iha postu administrativu Luro, suku Luro, aldeia Ailarino, no suku Uairoke, aldeia Luturo.

Munisípiu Liquiça iha postu administrativu Bazartete, suku Fatumasin no Leorema. Postu Administrativu Maubara iha suku Guguleur no Lisadila. Postu Administrativu Liquiça Vila iha suku Leotala no Loidahar.

Munisípiu Manatuto iha postu administrativu Laclubar, suku Funar, Fatumakerek no Manelima Lama. Postu administrativu Laclo iha suku Hohorai, aldeia Anekulau, suku Uma Naruk, aldeia Nua no postu administrativu Natarbora iha suku Barique, aldeia Kamedar.

Munisípiu Manufahi iha postu administrativu Turiscai, suku Fatucalo, Lesuata, Matorek, Orana, no Mindelo. Postu administrativu Same iha suku Tutuluro. Postu administrativu Alas, suku Tautudak no postu administrativu Fatuberliu iha suku Bubususu no suku Fahinehan.

Munisípiu Viqueque iha postu administrativu Viqueque Vila, suku Bibileo no Uma Wain Kraik. Postu administrativu Ossu iha suku Builale, Liaruka, Nahareca, Uaibobo no Uabubo. Postu administrativu Uatulari iha suku Uaitame no Vessoru. Postu administrativu Uatucarabau iha Suku Bahatata no Afaloicai. Postu Administrativu Lacluta iha suku Uma Tolu.

“Suku no aldeia hirak ne’e mak defísil atu ita asesu ba dalan. Tanba ne’e, liuhosi pedidu ne’ebé ami submete bele iha resposta, nune’e ita-nia ekipa bele halo konstrusaun Uma Kbiit Laek ne’e ho di’ak. Bainhira la normaliza dalan mak defísil mós atu lori materiál konstrusaun uma nian ba fatin sira-ne’e,” nia dehan.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here