Traballadór sira ezekuta hela obra Estadu iha terrenu. Imajen TATOLI/António Gonçalves

DILI, 07 juñu 2021 (TATOLI)—Komisaun E ne’ebé trata asuntu Infraestrutura iha Parlamentu Nasionál identifika projetu estrada rurál iha munisípiu Manufahi ne’ebé hahú implementa dezde 2020 maioria atinje ona 100%.

“Projetu estrada rural iha munisípiu Manufahi ne’ebé implementa hosi kompañia lokál maioria atinje ona 100%,” Sekretária Meza Komisaun E, Deputada Maria Anabela Sávio, halo leitura vizita fiskalizasaun ne’e ba plenária, segunda ne’e.

Iha aprezentasaun relatóriu vizita fiskalizasaun polítika ne’e akompaña hosi Prezidente Komisaun E, Deputadu Abel Pires da Silva.

Tuir relatóriu fiskalizasaun Komisaun E ne’ebé Agência TATOLI asesu, katak projetu estrada rurál iha tinan 2020 rejista projetu sia (9).

Dahuluk, projetu reabilitasaun lokaliza entre Feriksare-Bandeira ne’ebé implementa hosi kompañia My Friend ho totál orsamentu $400,310.00, ho kilómetru 2.05 ho persentajen 90%.

Daruak, projetu manutensaun lokaliza entre Manico-Groto ne’ebé implementa hosi kompañia Alifa Unip ho totál orsamentu $59,447.00, ho kilómetru 11.2 ho persentajen 100%.

Datoluk, projetu manutensaun lokaliza entre Same-Rotutu ne’ebé implementa hosi kompañia Leodok Unip ho totál orsamentu $43,609.00, ho kilómetru 10.4 ho persentajen 100%.

Dahaat, projetu manutensaun lokaliza entre Ladiki-Tutuluro ne’ebé implementa hosi kompañia Leodok Unip ho totál orsamentu $4,732.00, ho kilómetru 1.2 ho persentajen 100%.

Dalima, projetu manutensaun lokaliza entre Tukune-Feriksare ne’ebé implementa hosi kompañia Samboyo Unip ho totál orsamentu $13,547.00, ho kilómetru 4.3 ho persentajen 80%.

Daneen, projetu manutensaun lokaliza entre Dotik-Wakakaowan ne’ebé implementa hosi kompañia Samboyo Unip ho totál orsamentu $37,246.00, ho kilómetru 8.6 ho persentajen 100%.

Dahitu, projetu manutensaun lokaliza entre Dotik-Weberek ne’ebé implementa hosi kompañia Samboyo Unip ho totál orsamentu $30,926.00, ho kilómetru 6.3 ho persentajen 100%.

Daualu, projetu reabilitasaun lokaliza entre Betano-Loro I ne’ebé implementa hosi kompañia Manufahi Lui Unip ho totál orsamentu $341,570.50, ho kilómetru 1.8 ho persentajen 100%.

Dasia, projetu reabilitasaun lokaliza entre Betano-Loro II ne’ebé implementa hosi kompañia Manufahi Lui Unip ho totál orsamentu $261,389.98, ho kilómetru 1.8 ho persentajen 100%.

Iha vizita fiskalizasaun ne’e mós, Komisaun E dada-lia ho Diretór Obra Públika Munisípiu Manufahi, Aniceto Andrade, kona-ba relatóriu projetu 2018 nian maibé la prevee iha orsamentu tanba impase polítika iha rai-laran.

Purtantu ba projetu 2021 nian agora tama ona faze tenderizasaun no hala’o ona sight visit ba lokalizasaun projetu sira.

Projetu 40 mak lokaliza iha munisípiu Manufahi ne’ebé kompostu hosi projetu estrada, kontrolu xeia (cheias) ho ponte sira. Projetu estrada fahe ba kategoria haat (4) hanesan rurál, urbana, munisipál, nasionál,

Projetu estrada rurál iha 2019 kompostu hosi projetu rua, ida projetu reabilitasaun ne’ebé lokaliza entre Same-Rotutu ho ho kilómetru 12 ne’ebé implementa hosi kompañia El-Const.Unip ho totál orsamentu $700,656.45 atinje ona 100%.

Nune’e mós projetu estrada rurál manutensaun iha 2019 ne’ebé lokaliza entre Tekunu-Feriksare ho ho kilómetru 2.5 ne’ebé implementa hosi kompañia A&E Lda ho totál orsamentu $299,721.00 atinje ona 100%.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here