Vasina AstraZeneca doze dahuluk ne’ebé pesoál liña frente-sira simu. Imajen Tatoli/António Gonçalves.

DILI, 05 juñu 2021 (TATOLI)—Xefe Suku Bemori, Postu Administrtativu Na’in Feto, Munisípiu Dili, Cristalina Perreira Soares de Oliveira hateten populasaun Suku Bemori hamutuk 620 ne’ebé kompostu hosi feto na’in-299 no mane na’in-321 simu ona vasina AstraZeneca doze dahuluk iha fulan-maiu nia rohan.

Notísia Relevante: Governu deklara sidadaun simu vasina kompleta livre sirkulasaun sein teste

“Suku Bemori iha populasaun 620 mak simu ona vasina AstraZeneca. Populasaun sira simu vasina ne’e hahú hosi 25 maiu no ramata iha 28 maiu nia rohan ne’e,” Xefe Suku Bemori ne’e hateten ba Agencia Tatoli liuhosi telefónika, sábadu ne’e.

Hosi totál populasaun 620 ne’e kompostu hosi Aldeia Babaliurai Leste iha na’in-83 (feto 41 no mane 42), Aldeia Babaliurai Oeste na’in-60 (feto 33 no mane 27), Bemori Sentrál na’in-108 (feto 46 no mane 62), Ailele Hun na’in-108 (feto 55 no mane 53), Has-Laran na’in-105 (feto 50 no mane 55), Bemori Sentru na’in-48 (feto 19 no mane 29), Aldeia My Friend na’in-108 (feto 55 no mane 53).

Populasaun sira-ne’ebé simu vasina ne’e maiória idade entre 18-60, maibé ida-ne’e foin mak vasina ba doze dahuluk nian no hein tan bainhira parte saúde informa atu simu tan doze daruak nian.

Tuir dadus hosi Sala Situasaun, Sentru integradu Jestaun Krize (CIGC, sigla portugés) liuhosi Komisaun Interministeriál ba Vasina Kontra COVID-19, hatudu katak hahú hosi lansamentu faze dahuluk iha loron 07 abríl to’o sesta (28/05) ne’e rejista ona sidadaun hamutuk 76.683 mak simu ona vasina AstraZeneca.

Iha faze dahuluk ho doze 24.000 hosi COVAX Facility, implementa iha territóriu nasionál hahú iha loron 07 to’o 30 abríl no konsege vasina ema 28.669, ne’ebé hosi persentajen ne’e barak liu mane 67% no feto 33%.

Notísia Relevante: Sidadaun 76.683 simu ona vasina AstraZeneca doze dahuluk

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here