Teste swab. Imajen Tatoli/Antonio Goncalves

DILI, 04 juñu 2021 (TATOLI) – Ministériu Edukasaun Juventude no Desportu (MEJD), sesta ne’e, organiza teste swab ba funsionáriu na’in-50 ne’ebé sei dezloka ba munisípiu hodi  distribui ekipamentu CIOVID-19 ba eskola sira.

Diretór Nasionál Asaun Sosiál Eskolár (DNASE), Joaquim Martins, informa teste swab ne’e atu kumpre de’it protokolu prevensaun COVID-19 no orientasaun hosi Sentru Integradu Jestaun Krize (SIJK) nian molok funsionáriu sira-ne’e dezloka hosi Dili ba munisípiu-sira .

Tuir  planu, segunda  (07/06), funsionáriu na’in-50 ne’e tenke deskola ona ba munisípiu, tan ne’e ministériu husu sira atu halo uluk teste swab. Se mak la tuir teste swab sei la halo viajen bá Munisípiu hodi distribui ekipamentu COVID-19 iha eskola sira.

Ekipamentu COVID-19 ne’ebé sei distribui ba eskola sira iha munisípiu-sira ne’e tuir planu sei la’o hamutuk ho UNICEF tanba programa distribuisaun ne’e hetan kooperasaun di’ak entre Governu ho UNICEF.

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here