Poetiza Alexandra de Araujo Tillman “Sandra Tilman”. Imajen/Espesiál.

DILI, 30 maiu 2021 (TATOLI)—“Wow, lian furak no kro’at tebes!” Eskritór lubun no membru Komisaun Organizadora sira-ne’ebé partisipa iha eventu internasional Festival Writer’s Poetry iha Australia ne’e hakfodak, bainhira haree no rona Poetiza Timoroan, Sandra Tilman, nia espresaun bainhira aprezenta no lee poema iha palku leten, iha tinan 13 (2008) liubá ne’e.

“Orgullu tanba bele ofrese netik buat laek ida mak ha’u bele halo ba ha’u-nia rain no nasaun. La fiar tanba ema hotu mai preparadu ho sira-nia mentalidade, karáter palku no performance oioin. Iha ha’u nia laran, ha’u ko’alia ba ha’u aan rasik; forsa no bele halo hanesan no bele liu sira-ne’e hotu. Ah, ho modalidade lian no espresaun, ha’u sente katak ha’u-nia lian mak ha’u-nia kilat musan,” Alexandra de Araujo Tillman “Sandra Tilman” hateten ba Agência TATOLI, bainhira selebra ninia aniversáriu ba dala-45 (28 maiu 1976-28 maiu 2021) liuhosi rede sosiál, foin lalais ne’e.

Ho modalidade lian, Sandra Tilman, bele halo palku no halo ema-nia fuan sira nakdoko ba ninia performance lee poema be kmanek tebes. Iha eventu mundiál ne’e (2008), Sandra Tilman kuaze lori no lee ninia obra poema lima (5) no poema ikus liu ho títulu “November Morning”. Poema ne’e nia  mak hakerek no lee rasik ninian no halo partisipante sira hosi nasaun seluk tanis hodi fó sira-nia apresiasaun;

November Morning

In the East a silvers sun, accompany a ground of deminstrators, at the Santa Cruz discoteque, clutching wreaths in unsteady, walk were prayer. 

Noon sky looks down, on the earth of Lorosa’e, as the sun licks, the children of this earth, weep they did over friend, and king at Santa Cruz. 

Between Motael anda Santa Cruz, poignant symbols, would history repeat it self or… 

Bang…Bang…Bang, drearfening sound of guns, faces at once tumes pale, as one by one fell to the ground, fresh blood on the bodies. 

In the shadow of afternoon, a child cries inconsolably, as this blood spillet he cries out, “Save me from prild of god..” 

Hafoin lee hotu poema ne’e, komisaun organizadora halo kedas anunsiu abertamente tanba iha públiku nia matan no tilun, katak Sandra Tilman lian ne’e lian osan-mean ne’ebé merese hetan apresiasaun hanesan poetiza ida-ne’ebé mai ho pakote ne’ebé kompleitu.

Notísia Relevante: Sandra Tilman hetan rekoñesimentu internasional nu’udar “Best Focal For Poetry”

Poetiza Alexandra de Araujo Tillman “Sandra Tilman”. Imajen/Espesiál.

“Hosi eventu ne’e, komisaun organizadora anunsia katak poetiza Timor-Leste, Alexandra Tilman, nu’udar The Best Focal Poetry ba ita-nia eventu tinan ne’e. Sira fó apresiasaun no fó parabens hodi dehan; Sandra Tilman la mai ho liafuan de’it maibé mai ho pakote kompletu ne’ebé konsege hadau ami komisaun organizadora no mós ema hotu ninia matan, tilun no fuan,” Sandra Tilman haktuir.

La’ós ne’e de’it. Maibé apresiasaun ne’ebé hanesan mós ema tula ba Alexandre Tilman nia leten bainhira nia ba tuir eventu internasional lee poema iha Jakarta-Indonézia iha 2013 liubá ne’e. Iha eventu ne’e, nia konsege lori Timor-Leste nia naran ba palku internasionál, hodi lee ninia poema ho titulu “Borgol”;

BORGOL

Sungguh…, sungguh…, saya tidak bersalah…, borgol ini bukan untukku…, berikan kepada penegak hukum, mereka pantas diborgol. 

Tuhan…, hanya pada-Mu ada keadilan-kebenaran-ksucian-ketulusan-cinta dan kasih saying, tetapi di sini, di tanah leluhurku aku di birgol…, di jeblos ke penjara, karena tak mampu membayar hukum, yang tergores dalam kitab hukum dagang, anda ingin tahu…, ketika diinterogasi, tubuhku di pukul-di sayat-sayat. 

Sebelum putusan jatuh, mereka mendatangiku, berulang berdalih, ingin membantu, asal penuh satu syarat, beri mereka Rupiah. 

Apa? Belum selesai aku kaget, mereka merajamku dengan tuntutan-tuntutan, melandasinya dengan pasal-pasal, mematikan lalu mereka berkata; “Bila Rupiah lagi tak punya, hewan pun tak mengapa”. 

Aku terdiam lalu dengan garang kujawab;“Di kandang memang ada sapi BAMPRES, kambing idiot, juga ‘monyet’ tetangga…” 

Oh, pertiwi Timor-Lorosa’e…, betapa kelam tanah leluhurku, hukum dikencingi hambanya, yang berseragam atau tentara, berjubah hitam atau pengadilan, berkaca mata hitam atau polisi, bagaikan patung di jalanan, setiap saat tilang dan memunggut Rupiah, mengenggam belati kuasa, ditancapkan dada jelata tak mampu membayar keadilan. 

Oh, pertiwi Lorosa’e…, turunkan hujan batu, cerai-beraikan isi otak mereka yang berisi tai, dan biarkan kami mengantungnya, ditemali kemanusiaan, dan sambal menitipkan satu pertanayaan; “Sesungguhnya beberapa harga sebuah keadilan?”

“Ho poema ida-ne’e, ha’u konsege tan hetan apresiasaun ne’ebé konsege lori tan TL nia naran ba Palku internasinal. Tuir sira-nia observasaun katak poetiza Alexandra Tilman sebagai penyair Timor-Leste yang perlu ditakuti kata-kata dan bahasanya dalam dunia puisi. Alexandta Tilman adalah vocal terbaik, lantang dan tajam dari kata-kata dan puisinya,” nia haktuir.

Ho apresiasaun hirak ne’e, halo nia laran sente haksolok tebes. Haksolok tanba liuhoai peoma nia liafuan sira de’it, nia bele halo ona buat kiik-oan ruma ba rai-lulik Timor-Leste, no halo rai ida-nia naran ho lian kro’at ne’ebé Maromak haraik ba nia.

“Ba ha’u, lian ne’e prezente kmook hosi Na’i Maromak mak Na’in ba Buat hotu ne’ebe daudaun ha’u iha bá ne’e,” nia dehan.

Poetiza ne’ebé kaben ho Teofilio Amaral Sarmento no sai inan ba oan na’in-neen (6) ne’e, hori tempu okupasaun Indonézia no to’o ohin loron, nia hetan esperiénsia midar be oioin ne’ebé halo nia orgullu sai feto ida-ne’ebé forte no hamriik rasik iha nia ain leten.

Poetiza Alexandra de Araujo Tillman “Sandra Tilman” (liman kuana) sai oradora. Imajen/Espesiál.

“Espriénsia kmook tebes mak binhira hetan konfiansa no biban ba lori Timor-Leste ninia naran ba Sudueste Aziatiku hodi sai oradora no mós nu’udar poetiza. Orgullu nu’udar feto. Rona ema balun dehan feto ne’e tenke tama dapur, fase roupa, haree labarik, liafuan ne’e ha’u sale ha’u-ninia hakru’uk. Maibé. Nu’udar feto lalika mó atu hamate ita ninia vontade hodi hala’o ita-nia knaar no koñesimentu balun ne’ebé mak ita rasik bele halo tuir norma no ita-nia kbiit,” poetiza ne’e hateten.

Poetiza Sandra Tilman harii uma kain ho Teofilo Amaral Sarmento iha tinan 2000 ne’ebé Maromak haraik ba sira oan na’in-neen (6) ne’ebé kompostu hosi mna’in-ida (1) no feto na’in-lima (5). Iha ninia moris loro-loron nu’udar poetiza ne’ebé tuir atividade oioin, ninia família maioria fó apoiu ba atividade saida de’it mak nia tuir.

“Maioria ha’u-nia família suporta ha’u, liu-liu laen no oan sira. Sira apoiu ha’u, liuhosi haraik biban ba ha’u-nia hakmatek bainhira ha’u hakerek no lee ka aprezenta poezia iha fatin-fatin, mak haraik fiar ba ha’u atu hakat ba oin ho fiar aan,” Manorin ne’e hateten.

Nu’udar poetiza, nia badinas fahe tempu hodi hala’o atividade literária no atividade hanorin nian iha eskola ho fasil tebes. Tanba, buat hotu, xave iha ninia-aan nu’udar autora ida-ne’ebe atu hala’o oráriu ba ninia atividade iha moris loro-loron nian ho domin no responsabilidade.

Entre poetiza ho manorin, ba nia la susar tanba alende prepara matéria hanorin nian, automatikamente nia halo hela atividade poetiza nian mós iha aula. Atividade poetize ne’e hala’o liuhosi matéria kona-ba mundu poetika mak matéria Literatura Dalen-Tetun, Poezia, Drama no Proza ba estudante sira iha aula laran, hanesan nani hela iha tasi kle’an moris ida-nia laran.

“Ha’u-nia anekdota balun ne’ebé ha’u dehan beibeik; ‘Lalika sai siik-dór ba ikan oioin ninia furak iha tasi laran, se bainhira ó nani de’it iha tasi leten’. Tanba hakerek no lee poema ne’e, halo ha’u nani iha tasi kle’an ha’u-nia moris rasik ho domin no hadomi,” Dosente permanete iha UNTL, Fakuldade Edukasaun Arte no Umanidade, Departamentu Tetun ne’e hateten.

Tanbasá hadomi loos mundu poema, nia hatán, liuhosi poema nia bele espresa ninia sentimentu sira ho livre tanba mundu poema ne’e koa’lia kona-ba “fuan” no “natureza” nian. Maske nia hasoru dezafiu oioin iha mundu hakerek poema maibé ho “fuan” nia hakerek poema sira sei la falla.

“Liuhosi poezia ha’u bele halerik, tanis, kontente no fakar sai buat hotu mak ha’u hasoru iha ha’u-nia moris horisehik, ohin no aban nian. Ba ha’u, mundu poema nuudar parte ‘fuan’ no ‘natureza’ nian, ne’ebé ha’u fiar metin katak susar no dezafiu saida de’it mak ha’u hasoru iha mundu hakerek, liuliu poema ne’e sei la falla tanba ho hamatek naturál ne’e, ha’u bele responde difikuldade iha surat tahan ninia leten,” nia dehan.

Iha mundu poema nian, sai poetiza ida la’ós maihosi ema ne’ebé monok no kalma maibé bele mós maihosi ema ho karaterístiku laran to’os. Tanbasá? Tanba mundu poema nian sei la fihir ba ema ne’ebé “nonook” ka “rungu-ranga” maibé haree liu ba ”fuan” no “liafuan”.

“Liafuan maihosi fuan. Sei fila-fali ba fuan atu snte no apresia,” Manorin Alexandra Tilman hateten.

Biodata

Alexandra de Araujo Tillman (Sandra Tilman) moris iha Ainaro-Maubisse, 28 maiu 1976. Oan-feto boot hosi maun-alin na’in-neen (6). Hanorin hahú 1996-99 SMPK São Jose Balide. 2000-2008 iha Colegio Sao Jose Balide. 2000-2008 Prezenter Televizaun ba CPA ba programa “Istória Ba Futuru”. Eis dosente parte tempu iha UNDIL no IOB iha tinan 2006-2008.

Daudaun ne’e nu’udar dosente permaneti iha UNTL, Fakuldade Edukasaun Arte no Umanidade, Departamentu Tetun, membru ekipa Institutu Nasionál de Linguistíka (INL). Instrutora Dalen-Tetun hosi UNTL ba Formasaun Akademia PNTL iha tinan 2015-2017.

Iha tempu Indonézia sempre hetan vensedora lee poema iha nível SMP (terseiru siklu) no mós SMA (ensinu sekundária). Iha Universidade lori mos UNTIM (Universitas Timor-Timur) nia naran ba iha rai-li’ur sira mak hanesan Pekan Seni Indonesia liuhosi poezia no hetan nomeasaun hosi UNTIM ba Finál kategoria Daruak no hosi dahuluk mak Prezidente Priority RI, Soekarno ninia bei-oan Budianto Hatta, hosi partisipante 137 ne’ebé maihosi universidade sira iha Indonézia laran tomak iha biban ne’ebá.

Hosi SMP to’o ohin loron, nia hetan prestasaun barak iha mundu literatura nian liuliu iha hakerek no lee poema ne’e, nia hetan taxa (piala) hamutuk 19 no sertifikadu hamutuk 31. Nia hanesan mós feto dahuluk ne’ebé hamout aan iha Karate KushinRyu iha Timor-Leste no hetan ona sintu Karate-DAN-III, no sai eis atleta Karate nasionál no internasionál.

Notísia Relevante: Sandra Tilman: “Poezia hanesan mundu supranaturál”

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here