Komunikadu imprensa hosi MNEC ho lian Ingles

DILI, 29 maiu 2021 (TATOLI)- Ministériu Negósiu Estranjeiru no Kooperasaun (MNEC-sigla portugés), lori Governu no povu Repúblika Demokrátika Timor-Leste nia-naran, kongratula ba kontinuidade suporta hosi Governu no povu Austrália.

Notísia Relevante : Austrália fornese vasina AstraZeneca doze 20.000 ba Timor-Leste

Liuhosi komunikadu imprensa  ne’ebé fó sai hosi MNEC, loron 28 maiu 2021, ne’ebé Agência Tatoli asesu sábadu ne’e, informa Ministériu Negósiu Estranjeiru no Kooperasaun kongratula Governu no povu Austrália tanba Austrália sempre ho nia laran-di’ak iha ninia apoiu mai povu Timor-Leste, espesialmente durante iha situasaun pandemia COVID-19.

Iha tempu pandemia COVID-19, Governu Austrália fornese ona vasina AstraZeneca iha fulan rua ikus ne’e, no hosi vasina AstraZeneca ne’e populasaun Timor hamutuk 73.488 mak simu ona vasina no  barakliu vasina AstraZeneca hosi Australia. Tanba ida-ne’e mak Governu no povu Timor-Leste apresia no agradese tebes ba laran-luak no apoiu ne’ebé oferese ona hosi Governu no povu Austrália.

Austrália haksolok tebes

Austrália apoia tan vasina AstraZeneca mai Timor-Leste. Imajen/Espesiál

Hosi sorin seluk, Governu Australia liuhosi nia embaixada iha Timor-Leste hato’o sira-nia haksolok tebes hodi apoia vasina AstraZeneca  ne’ebé maka prodús iha Austrália.

Liuhosi pájina Facebook ofisiál Australia in Timor-Leste informa katak Timor-Leste nia kampaña ba vasinasaun COVID-19 kontinua la’o ho lais, no Austrália haksolok tebes hodi apoia ho vasina ne’ebé mak prodús iha Austrália.

Ohin loron vasina AstraZeneca hamutuk 20,000 tan mak to’o iha Dili. Ida-ne’e, distribuisaun ba datoluk iha fulan ida-ne’e no ho ida-ne’e totál distribuisaun ba vasina ne’ebé halo iha Austrália mai Timor-Leste hamutuk ona 60,000.

Timor-Leste Nia Serviço Autónomo de Medicamentos e Equipamentos de Saúde (SAMES Timor-Leste) simu no harai ona vasina hirak ne’e, asegura hodi kumpre ba rekizitu harai iha fatin malirin nian, antes distribui vasina hirak ne’e ba sentru vasinasaun-sira liuhosi parseria ho Ministériu Saúde (Palácio das Cinzas).

Ho númeru kazu COVID-19 ne’ebé aumenta sa’e iha Dili no iha Timor-Leste nia laran, ita fó apresiasaun ba pesoál liña frente-sira ne’ebé mak serbisu maka’as hodi administra vasina hirak ne’e. Vasinasaun salva moris!

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here