Sekretáriu Jerál no Atual Deputado (UDT), Francisco David Xavier Carlos. Imajen/ Egas Cristóvão

DILI, 28 maiu 2021 (TATOLI)—Bankada União Democrática Timorense (UDT) sujere Governu apoia ba subsídiu ba grupu voluntáriu Polísia Nasionál Timor-Leste-Mama Bolu tanba grupu refere fó kontribuisaun boot tebes iha prevensaun surtu COVID-19.

Xefe Bankada UDT, Deputadu Francisco David Xavier Carlos, kontinua depozita konfiansa ba VIII Governu Konstitusionál tanba atu halo prevensaun ba propagasaun surtu COVID-19 la’ós Governu de’it maibé ema hotu-hotu nian, liu-liu Grupu PNTL-Mama Bolu mós fó kontribuisaun boot tebes iha vijénsia COVID-19 ne’e.

Notísia Relevante: Selebra loron restaurasaun, ekipa “Mama Bolu” halo dezinfeta iha HNGV

“Tanba ne’e ha’u husu Governu, dezde ezisténsia COVID-19 iha Timor-Leste, grupu voluntáriu PNTL-Mama Bolu sempre marka prezensa iha komunidade no instituisaun sira-nia leet até prezente data, presiza fó subsídiu ba sira nune’e sira kontinua hala’o servisu ida-ne’ebé di’ak tebes,” Xefe Bankada UDT ne’e propoin liuhosi estensaun estadu emerjénsia ba dala-XIV, iha uma fukun, sesta ne’e.

Xefe Bankada UDT ko’alia kestaun ne’e tanba hasoru malu ona ho grupu voluntáriu refere iha terrenu, tanba ne’e Governu presiza konsidera preokupasaun ne’e.

Nia haree, kada loron sempre haree PNTL-Mama Bolu sirkula iha kapitál Dili hodi dezinfeta ba fatin sira-ne’ebé krusiál.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here