Prezidente Autoridade Munisípiu Baucau, Olívio “Bou Lesa” Freitas, hala’o juramentu ne’ebé akompaña hosi Pároko Manuel Ximenes, SDB. Imajen/Espesiál.

DILI, 28 maiu 2021 (TATOLI)-Prezidente Autoridade Munisípiu Baucau, Olívio “Bou Lesa” Freitas, husu ba komunidade iha Munisípiu Baucau nafatin kumpre protokolu prevensaun COVID-19 nian iha ida-idak nian fatin.

Notísia Relevante : Baucau-Viqueque nafatin iha períodu impozisaun serka sanitária

“Ha’u husu ba komunidade hotu bainhira atu sai hosi uma ba merkadu, Igreja no fatin seluk tan importante tebes mak kumpre protokolu Organizasaun Mundiál Saúde (OMS)  nian kona-ba prevensaun surtu COVID-19 nian hanesan, uma máskara, halo distansiamentu fíziku, faze-liman ho sabaun ka uza hand sanitizer,” Olívio “Bou Lesa” Freitas ba Agência Tatoli liuhosi telefónika sesta ne’e.

Nia dehan, COVID-19 atu lakon iha Munisípiu Baucau ne’e presiza ema hotu nia kontribuisaun tanba daudaun ne’e Munisípiu Baucau rasik númeru kazu pozitivu ba COVID-19 sa’e ona ba 160.

Nia informa, polítika ne’ebé daudaun ne’e sira uza atu kombate COVID-19 iha Munisípiu Baucau mak ekipa task force COVID-19 loro-loron kontinua sosializa prevensaun COVID-19 nian ba komunidade tama sai bairru-sira iha área jurisdisaun Munisípiu Baucau.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here