Xefe Bankada FRETILIN, Francisco Miranda Branco. Imajen Tatoli/Egas Cristovão

DILI, 28 maiu 2021 (TATOLI)—Bankada Frente Revolusionária Timor-Leste Independente (FRETILIN) husu Sentru Integradu Jestaun Krize (SIJK) atu habadak burokrasia ba prosesu autorizasaun kona-ba dezlokasaun populasaun hosi Dili ba munisípiu sira tanba durante ne’e burokrátiku liu.

 “Ami husu ba Sentru Integradu Jestaun ba Krize atubele habadak burokrsia ba prosesu autorizasaun ba ita-nia povu sira-ne’ebé hakarak dezloka hosi kapitál Dili ba munisípiu sira. Ami apela ida-ne’e atu hamenus prosesu burokrátiku,” Xefe Bankada FRETILIN, Deputadu Francisco Miranda Branco, apela liuhosi debate estensaun estadu emerjénsia ba dala-XIV, iha plenária estaordinária, sesta ne’e.

Deputadu Francisco Miranda Branco hateten, presiza habadak burokrasia iha Sentru Integradu Jestaun ba Krize, nune’e fasilita dezlokasaun populasaun ba sira-nia hela-fatin.

Maibé nia husu tenke kumprimenta nafatin regra bázika sira hanesan uza maskára, distansiamentu sosiál no fase-liman beibeik ho sabaun, ne’ebé define hosi Organizasaun Mundiál Saúde no Ministériu Saúde.

Tuir observasaun Agência TATOLI, katak kritéria ne’ebé SIJK define mak presiza hala’o teste swab ba abitante sira-ne’ebé iha nesesidade atu ba munisípiu, nune’e labele fó impaktu ba ema seluk durante viajen.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here