Vise-Prezidente Parlamentu Nasionál, Maria Angelina Lopes Sarmento. Imajen Tatoli/Egas Cristóvão

DILI, 27 maiu 2021 (TATOLI)—Reprezentante povu iha uma fukun Parlamentu Nasionál (PN), aban, sei debate estensaun estadu emerjénsia ba dala-XIV tanba haree ba númeru kazu pozitivu COVID-19 kontinua aumenta kada loron.

Notísia Relevante: KE-KSDS rekomenda ba Xefe Estadu husu PN estende Estadu Emerjénsia

“Aban, plenária sei deskute estensaun estadu emerjénsia, parese ba loron 30 tán, tanba pedidu Prezidente Repúblika nian tama ona,” Vise-Prezidente Parlamentu Nasionál, Deputada Maria Angelina Lopes Sarmento, informa ba Agência TATOLI, iha resintu uma fukun, kinta ne’e.

Nia dehan, bainhira uma fukun aprovadu estensaun estensaun estadu emerjénsia hafoin Prezidente Repúblika no Governu mak hamosu regra sira hanesan medida serka sanitária no konfinamentu obrigatóriu.

“Ne’ebé, aban Governu sei mai tán hodi esplika kona-ba razaun estensaun, tanba ita hatene númeru kazu pozitivu kontinua aumenta. Ne’ebé, hakarak ka lakohi únika medida ne’ebé ita bele foti halo prevensaun no mitigasaun ba COVID-19,” nia dehan.

Medida hotu-hotu iha vijénsia COVID-19 ne’e tenke baze ho deklarasaun estadu emerjénsia no medida sira Governu mak iha kompeténsia tomak.

Estensaun estadu emerjénsia ne’e nesesária maibé Governu mak tenke aselera pagamentu no subsídiu ba ema sira-ne’ebé susar tebes atu hetan ai-haan iha ámbitu serka sanitária ne’e.

Notísia Relevante: COVID-19: kazu óbitu ida, pozitivu 213 no ativu 2.727

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here