Produtu Cesta Bázika iha bote Imajen TATOLI/Antónia Gusmão

DILI, 26 maiu 2021 (TATOLI)Ministru Turizmu Komérsiu no Indústria, José Lucas do Carmo da Silva, hateten, implementasaun Cesta Bázika iha Dili kuaze konklui maibé iha Ermera, suku balun seidauk simu, maski tuir kalendáriu, distribuisaun sei ramata iha maiu ne’e.

Ministériu Turizmu Komérsiu no Indústria (MTKI) hanesan mós ministériu implementadór ba programa Cestá Bázika, ho área kobertura iha munisípiu Dili, maioria simu hotu ona no hela de’it iha suku Becora balun no suku Madohi, enkuantu munisípiu Ermera, suku sira iha postu administrativu Atsabe no Letefoho maka seidauk.

“Cesta Bázika ninia estensaun kontratu to’o de’it loron 31 maiu, maibé depende ministériu implementadór sira tanba la hanesan, MTKI nian atinje ona 80%, maibé suku barak iha Ermera mak seidauk simu, enkuantu tuir despaisu katak tenke halo hotu tuir kontratu ne’ebé termina ona iha fulan ne’e,” Ministru José Lucas informa ba Agência TATOLI iha resintu Ministériu Finansa (MF), Aitarak-laran, kuarta ne’e.

Governante ne’e klarifika, razaun suku barak iha Ermera seidauk simu tanba problema asesu ba terrenu, ne’ebé mak afeta ba empreza sira atu halo movimentu.

“Ekipa sira ne’ebé atu tun ba terrenu tenke submete ba teste swab tanba ne’e atrazu, maibé sei iha tempu atu realiza no ha’u-nia orientasaun tenke halo hotu iha fulan ne’e,” nia subliña.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here