Movimentu Universitáriu Timor-Leste (MUTL). Imajen Tatoli/Arminda Fonseca

DILI, 26 maiu 2021 (TATOLI)-Movimentu Universitáriu Timor-Leste (MUTL) husu ba Ministériu Interiór (MI) atu halo investigasaun  kle’an ba kazu Ajente Polísia Nasionál Timor-Leste (PNTL) na’in-rua ne’ebé baku vendedór iha pontu entrada  Tasi-Tolu, Dili, domingu  (23/05).

Notísia Relevante : Ajente Polísia baku vendedór tanba menus orientasaun hosi superiór

Portavós MUTL, Denis Saebaku hateten, Ministériu Interiór ho ekipa tenke halo investigasaun ne’ebé kle’an ba kazu ne’e tanba Ajente Polísia servisu la ho profisionál no deklarasaun Komandante Polísia Nasionál Timor-Leste  (PNTL) balun iha tendénsia atu defende sira-nia membru ne’ebé komete krime violasaun direitu umanu.

“Ami kondena maka’as asaun vandalizmu no brutalismu hosi Ajente PNTL na’in-rua ne’ebé baku vendedór nuu iha Tasi-Tolu,” Denis Saebaku, deklara liuhosi konferénsia imprensa iha Liceu, Fakuldade Ekonomia Universidade Nasionál Timor Lorosa’e (UNTL), Dili, kuarta ne’e.

MUTL konsidera Ajente PNTL ne’ebé halo agresaun fíziku hasoru vendedór Octaviano Thal la hatudu profisionalizmu tanba loloos Polísia nu’udár seguransa tenke asegura no defende direitu umanu la’ós halo fali violasaun direitu umanu.

“Ami husu Ministériu Interiór tenke halo investigasaun ne’ebé kle’an ba kazu ne’e, nune’e mós ami rejeita totál deklarasaun Prezidente Parlamentu Nasionál (PPN), Aniceto Longuinhos Monteiro, ne’ebé fó sai katak la’ós membru PNTL mak baku vendedór,” Denis Saebaku afirma.

Notísia Relevante : Octaviano Thal: “Ha’u la lori nuu tuda Ajente Polísia”

MUTL husu ba Komandu Jerál Polísia Nasionál Timor-Leste atu espulsa Ajente PNTL ne’ebé halo ona agresaun fíziku hasoru vendedór Octaviano Thal iha Tasi-Tolu.

Nia dehan, ba oin mak kazu ne’e laiha rezultadu MUTL nafatin konsisténsia ho sira-nia pozisaun akompaña prosesu kazu ne’e la’o to’o rohan. Maibé tanba situasaun COVID-19 no serka sanitária mak kazu ne’e la la’o MUTL konsidera katak justisa ne’e  laiha.

Notísia Relevante : Membru PNTL baku Octavio Thal submete ba investigasaun

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here