Prosesu aprendizajen iha Eskola 04 setembru UNAMET, Balide, Dili. Imajen/Dok. Espesiál

DILI, 25 maiu 2021 (TATOLI) – Dirijente iha Eskola Ensinu Sekundáriu Jerál (ESJ) 04 setembru, Balide, Dili, utiliza orsamentu konsesaun eskolár primeiru trimestrál ho montante $12.460,00 hodi hadi’a janela, odamatan, kuadru, kadeira no meza ne’ebé barak mak aat ona.

Notísia Relevante : SEPS husu atu uma-kain haat hela lai iha eskola 04 setembru

Diretór ESJ 04 setembru, Balide, Sergio da Cruz,  informa  janela, odamatan, kuadru no kadeira eskola nian barak mak estragus ona. Nune’e, parte eskola deside hadi’a fasilidade sira-ne’e atu prepara kuandu aula prejensiál hahú ona estudante-sira bele estuda iha fatin seguru.

Ba Agência Tatoli iha nia servisu fatin, tersa ne’e, Sergio da Cruz, informa osan konsesaun eskolár ne’e Ministériu prevee bá nesesidade primeiru trimestrál atu sosa sura-tahan no halo imprime materiál ezame nian, maibé data ezekusaun ne’e liu tiha ona entaun parte eskola deside foti osan ne’e hodi halo fali fasilidade eskola nian.

Jornalista : Tomé Amado

Editór        : Francisco Simões

HAKEREK NO HATÁN

Please enter your comment!
Please enter your name here