Prezidente Parlamentu Nasional, Aniceto Guterres. Imajen Tatoli/Antonio Goncalves.

DILI, 24 maiu 2021 (TATOLI)—Prezidente Parlamentu Nasionál, Deputadu Aniceto Longuinhos Guterres Lopes, laiha intensaun atu defende ajente Polísia Nasionál Timor-Leste (PNTL) ne’ebé halo agresaun fíziku hamosu vendedór fa’an nú iha área fronteira entre munisípiu Dili no Liquiçá.

“Distintu deputadu sira, kuandu simu informasaun tenke averigua (selidiki). Rona dehan polísia baku ema, maibé tenke hatene ema (polisia ida baku negosiante) ne’e sé. Porque dala ruma la’ós polísia, ita tenke iha identifikasaun klaru atu hatene oknum ida baku mak ne’e. Se ita dehan oknum,  tenke hatudu oknum mak ida-ne’e. Sé lae, ita ko’alia de’it (dehan) polisia maibé la identifika, ita jeneralizada instituisaun (PNTL) tomak,” refere komunikadu imprensa ne’ebé Agência TATOLI, asesu hosi gabinete PPN nian, segunda ne’e.

Iha komunikadu imprensa ne’e fundamenta, liafuan “porque dala ruma la’ós polísia” ne’e liafuan hipóteza, la’os konkluzaun.

Mensajen ikus ne’ebé Prezidente Parlamentu Nasionál, hato’o ba Ministru ba Asuntu Parlamentár no Komunikasaun Sosiál (MAPKOMS) Francisco Martins da Costa Pereira Jerónimo, ne’ebé Agência TATOLI, nota PPN husu Governu atu konsidera kazu ajente polísia baku vendedór ne’e.

“Aktu agresaun fíziku ne’e, husu atu fó atensaun espesiál ba asuntu ida-ne’e,” PPN informa ba Ministru ba Asuntu Parlamentár no Komunikasaun Sosiál (MAPKOMS) Francisco Martins da Costa Pereira Jerónimo.

Notísia Relevante: MAPKOMS: kazu ajente polísia baku vendedór iha ona prosesu investigasaun

Jornalista: Evaristo Soares Martins

Editór: Cancio Ximenes

2 KOMENTÁRIU

  1. Timor Ne’e agora Komik, se nia laos Polisia, oinsa mak nia bele uza fali farda institusaun PNTL nian, ga farda ne sira suku rasik deit ?

    Sr. nia Liafuan ne’e ita bele dhn katak, ita haluhan ga, ita boot mak hatene duni ga, oinsa,?
    Katak mundo agr nee iha Era globalizasaun,,,
    Aktus ne’ebe mak mosu iha Tasi talu vitima laos ba Matan dook husi hare malus tahan mak temi deit Oknum refere nia naran,,,,,,,

    Ida ne’e mosu lolos kedan iha video,,,,, ita boot sei dhn nia Laos Oknum polisia ne’e ita boot laos
    Moras ga,,,,,,,,!!!!!!

    Sei nia Laos Membru Polisia NIa iha Direito Saida mak ba hein fali iha fatin neba,,, ?
    se karik ema ne’ebe baku vitima ne’e laos polisia, entaun oknum kontrola iha fatin refere, momento ema baku vitima ne sira ba ne’ebe..????

    Sr. Koalia Liafuan hirak Hanesan ne’e halo vitima laran moras no halo ami Jovem sira senti laran moras mos,,,, Tanba imi hakarak defende malu…..

    Karik Senhor koalia ne’e los duni katak nia laos Membru Polisia signifika katak, iha sidadaun ne’ebe mak hakarak hafoer institusaun PNTL nia naran, No ema hanesan ne tenki kaer nia ba Julga hodi bele hetan Pena tanba nia hafoer ona imblema institusaun nian……..

  2. Triste lee statmentu husi Eis Direitor HAK, no mos eis Presidente Komisario CAVR nebe hakerek relatorio Chega! Maun sira mak uluk hanorin ami hakribi violensia, mas agora maun sira nian linguazem oin seluk ona! Triste 😔

HAKEREK NO HATÁN

Please enter your comment!
Please enter your name here