Atividade iha Portu Dili. Imajen TATOLI/Egas Cristóvão

DILI, 24 maiu 2021 (TATOLI)–Prezidente Konsellu Administrasaun Autoridade Portuária Timor-Leste (APORTIL), Flávio Cardoso Neves, hateten, durante fulan-lima nia laran autoridade konsege rekolla reseita millaun $2 resin.

“Reseita ne’e rekolla hosi janeiru to’o agora, ne’ebé ho kategoria normál, liga ho situasaun atuál ne’ebé nasaun barak limita movimentu inklui Timor-Leste,” Prezidente Konsellu Administrasaun, informa iha ninia knaar fatin, APORTIL, Colmera, segunda ne’e.

Nia esplika, reseita ne’e APORTIL akumula hosi ró atraka, sasán tama sai iha Portu Dili, inklui demurrage.

“Hosi atividade hirak ne’e mak konsege rekolla reseita, ho ida-ne’e ba ha’u reseita APORTIL sei iha normalidade hela,” nia akresenta.

Nia garante tinan ne’e APORTIL sei atinje meta hodi hetan reseita miliaun $3 to’o millaun $4.

“Maski ro-ahi Belin Nakroman la halo operasaun hodi la hatama reseita ba APORTIL, maibé  ita sei atije alvu iha tinan ne’e,” nia hatutan.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here