Diretór ESJ 5 de Maiu, Manuel Verdial. Foto Facebook

DILI, 23 maiu 2021 (TATOLI)—Estudante hosi eskola Ensinu Sekundáriu Jerál (ESG sígla portugés) 5 maiu Becora, ho totál 2.136, hetan ona rezumu ba matéria tinan ida-nian (anuál), atu prepara iha uma no bainhira situasaun normál bele aprezenta iha aula prezensiál.

Diretór eskola, Manuel Verdial, hateten, rezumu matéria ne’e distribui desde marsu, ne’ebé konklui anualmente kompleta hosi trimestre dahuluk to’o trimestre datoluk iha setembru.

Notísia relevante:SEMD orienta ona eskola-sira atu rezumu matéria ezame

“Ita prepara rezumu matéria to’o setembru atu antesipa desizaun Governu-nian, bainhira Estadu emerjénsia ho medida serka sanitária ka konfinamentu obrigatóriu ne’e kontinua, entaun alunu-sira aproveita hala’o atividade iha uma. Bainhira Governu deklara re-ativa eskola, estudante-sira bele aprezenta de’it matéria ne’ebé simu ona,” Manuel Verdial hateten ba Agência Tatoli, via telefónika.

Entretantu, rezumu matéria ne’ebé alunu sira hetan, iha dixiplina 13 kompostu hosi Lían Portuguêz, Lian Inglés, Lian Tetun, Lian Malayu, Matemátika, Kímika, Biolojia, Fízika, Edukasaun Sidadania, Jeografia, Relijiaun Morál, Edukasaun Desportiva no Arte Kultura.

Jornalista: Tomé Amado

Editór: Cipriano Colo

HAKEREK NO HATÁN

Please enter your comment!
Please enter your name here