iklan

NASIONÁL, HEADLINE, Uncategorized

PNUD sei apoia MI iha jestaun dezastre

PNUD sei apoia MI iha jestaun dezastre

Enkontru entre Vise Ministru Interiór, António Armindo, ho reprezentante rezidente PNUD, Munkhtuya Altangerel, iha Ministériu Interiór, sesta (21/05/21). Imajen/Média MI.

DILI, 21 maiu 2021 (TATOLI)—Programa Nasaun Unida ba Dezenvolvimentu (PNUD), sei fó apoiu ba Ministériu Intetiór (MI), iha área jestaun risku dezastre.

Kona-ba apoiu ne’e, parte Ministériu Interiór liu hosi Vise Ministru, António Armindo, hala’o ona diskusaun ho reprezentante rezidente PNUD, Munkhtuya Altangerel, liuliu kona-bá mekanizmu estabelesimentu kooperasaun iha futuru.

Notísia relevante:PPN-UE-PNUD inaugura sentru Uma Mídia Komunikasaun

Munkhtuya Altangerel, hateten inisiativa hosi PNUD sei fó ba MI atu foka oinsá hasa’e rezilénsia komunidade iha prevensaun dezastre naturál.

“Ita diskute kona-bá apoiu estratejiku balun iha área parseria-nian liu-liu kona-bá atu hadi’a redusaun risku dezastre, jestaun risku dezastre naturál no sistema alerta sedu iha tempu udan,” Munkhtuya Altangerel, hateten liu hosi komunikadu ne’ebé Agéncia Tatoli asesu, sesta ne’e.

Nune’e mós Vise Ministru Interiór, António Armindo, rekoñese katak, Governu presiza tebes atu hadi’a kooperasaun institusionál no parseria dezenvolvimentu.

Parte Ministériu Interiór mós agradese ba tulun ne’ebé durante ne’e hetan hosi PNUD, no husu atu kontinua fó apoiu iha futuru.

Jornalista: Nelson de Sousa

Editór: Cipriano Colo

iklan
iklan

Leave a Reply

iklan
error: Content is protected !!