Portavóz PNTL, Superintendente Xefe Arnaldo de Araújo. Imajen/dok.Tatoli

DILI, 21 maiu 2021 (TATOLI)—Polísia Nasionál Timor-Leste (PNTL), liu hosi Seksaun Explosive Ordinance Disposal, Unidade Espesiál Polísia (EOD-UEP), hala’o destroisaun ba material esplozivu Granada ativu ida no kilat-musan balun, ne’ebé abitante-sira hetan iha munisípiu Ermera, iha kinta (20/05/21).

Prosesu destroisaun ne’e, akompaña direta hosi Segundu Komandante UEP, Superintendente, Damião Correia, ho Komandante Seksaun EOD-UEP, Sarjentu Xefe, Estaquio de Jesus Ximenes ho ekipa.

Notísia relevante:EOD-UEP Destrui Materiál Explozivu 50-Resin

Material esplozivu sei ativu ne’e, komunidade hetan iha toos laran, no entrega kedan ba PNTL Ermera, hodi asegura to’o prosesu destroisaun.

“Seksaun EOD-UEP mós halo ona destroisaun ba granada no kilat-musan balun, ne’ebé ita-nia komunidade hetan,” Portavóz Komandu Jerál PNTL, Superintendente Xefe, Arnaldo de Araújo hateten ba jornalista-sira, iha Komandu PNTL, Caicoli, sesta ne’e.

Material ne’ebé komunidade hetan, maioria identifikadu mai hosi tempu funu mundiál II, no funu tempu 1974 to’o 1975 nian.

Komandu PNTL mós agradese ba inisiativa komunidade, hodi entrega material-sira ne’e ba PNTL, hodi halo destroisaun nuen’e evita ema labele uza arbiru.

Durante tinan 2020, ekipa EOD-UEP, halo ona destroisaun ba material eskluzivu hamutuk 50-resin iha territóriu Timor-Leste.

Jornalista: Eugénio Pereira

Editór: Cipriano Colo

HAKEREK NO HATÁN

Please enter your comment!
Please enter your name here