Prezidente RDTL ba dahuluk, Nicolau Lobato. Imajen espesiál.

Puizia:

Dionisio de Jesus Lopes

Nicolau Lobato, ó iha ne’ebé?

Ó-nia ran fakar fatin sei buka nafatin,

Ó-nia inimigu sira lori ó ba iha ne’ebé?

Ha’u iha ne’e pronto atu haklaken…

Haklaken ó nia lala’ok di’ak husi ó-nia fini sira.

Ne’ebé sai modelu ba ukun-an…

Ukun-an ne’ebé luta tiha ona ho ruin no isin.

Sira tenki haklaken ó nia martíru.

Maibé, ó iha ne’ebé, oh N’Lobato?

Bainhira loos mak ami bele haree ó-nia isin ho ruin?

Saida mak ami tenki halo agora?

Ha’u hatene katak ó-nia kanek sira moras.

 

Saida mak ha’u bele haklaken kona-ba ó agora,

Hein katak Aman iha Kadunan konsola nafatin ó.

HAKEREK NO HATÁN

Please enter your comment!
Please enter your name here