Serimónia entrega ekipamentu emerjénsia hamutuk tonelada 10 hosi Reprezentante OMS iha Timor Leste (TL), Arvind Mathur, ba Ministra Saúde (MS), Odete Maria Freitas Belo, iha edifísiu SAMES, Kampung Alor, kuarta, (19/05/21). Imajen Tatoli/Felicidade Ximenes.

DILI, 19 maiu 2021 (TATOLI)—Organizasaun Mundiál Saúde (OMS), oferese tan ekipamentu emerjénsia hamutuk tonelada sanulu (10) ba Ministériu Saúde (MS).

Iha serimónia entrega, Reprezentante OMS iha Timor Leste (TL), Arvind Mathur,  hateten apoiu ne’ebé oferese nu’udár serbisu kontinuasaun hamutuk ho MS atu responde COVID-19 iha TL.

Notísia relevante:OMS oferese tan ekipamentu protesaun pesoál ba MS

“Apoiu ne’e kontinuasaun serbisu hodi responde ba COVID-19 ne’ebé TL enfrenta,” Arvind Mathur, hateten ba jornalista-sira, iha edifísiu Serbisu Autónomu Medikamentu no Ekipamentu Saúde (SAMES), Kampung Alor, kuarta ne’e.

Apoiu hirak-ne’e mak maioria Ekipamentu Protesaun Pesoál (PPE)  hanesan máskara,  luvas, no sasan sira seluk.

Iha sasán seluk ba serbisu saúde ensensiál sira hanesan reajentes ba laboratóriu nasionál hodi hala’o serbisu vizilánsia no rastreiu kontaktu no mós halo teste ba COVID-19 ho totál orsamentu ne’ebé mak besik millaun $1.

Iha fatin hanesan, Ministra Saúde, Odete Maria Freitas  Belo, agradese ba OMS ne’ebé kontinua fornese ekipamentu-sira no espera katak, sei fasilita diak liu tan ekipa liña frenta iha luta kombate COVID-19 iha rai ne’e.

“Ekipamentu sira-ne’e iha relasaun ho ita-nia probelma ne’ebé iha, inklui problema inundasaun ne’ebé   akontese iha fulan kotuk no mós ita-nia kazu aumenta ba beibeik. Entaun, ita-nia parseiru OMS kontinua fó apoiu ba ita,’’ Odete Maria Freitas  Belo hateten.

Iha 26 abríl 2021, OMS oferese ona Ekipamentu Protesaun Pesoál (PPE) hamutuk item 50 ba Ministériu Saúde (MS).

Ekipamentu hirak-ne’e, OMS aluga aviaun My Jet express Airlines, hodi tula mai TL hamutuk ho sasán apoiu emerjénsia ba Minsitériu Saúde (MS) ho totál tonelada 1.325.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here