Xefe Suku Bemori, Cristalina Perreira Soares de Oliveira. Imajén/Osória Marques

DILI, 19 maiu (TATOLI)—Xefe Suku Bemori, Postu Administrativu Na’in Feto, Munisípiu Dili, Cristalina Perreira Soares de Oliveira, informa uma kain 118 iha Suku Bemori sei simu vasina iha 25 fulan (maiu) ne’e.

“Ha’u-nia populasaun iha Suku Bemori sei simu vasina AstraZeneca iha 25 maiu agora. Maibé, ami fahe aldeia ida-ida mak simu uluk, nune’e aldeia Bemori Sentrál, uma kain 118 mak sei simu uluk. Depois, aldeia seluk ne’e, parte saúde mak deside bainhira no ami-nia parte hein kontaktu de’it,” Xefe Suku Bemori ne’e hateten ba Agência TATOLI, liuhosi telefónika, kuarta ne’e.

Tuir nia, aldeia Bemori Sentrál ne’e uma kain hamutuk 118 mak sei simu vasina maibé depende ba populasaun ne’ebé hakarak simu ka lae tanba autoridade lokál sei la obriga no desizaun ne’e tenke sai hosi sira.

Autoridade lokál ne’e informa, aldeia Babaliurai Leste hamutuk uma kain 175, Babaliurai Oeste 78, Bemori Sentrál 118, Ailele-hun 118, Has-Laran 93, Bemori Sentru 106 no Aldeia My Friend iha uma kain 41.

“Aldeia Bemori Sentrál, lista ne’ebé ha’u simu ne’e hamutuk uma kain 118 maibé xefe aldeia entrega ba saúde ne’e 1uma kain 27. Parese seluk ne’e, simu ona vasina AstraZeneca,” nia dehan.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here