Reprezentante UNICEF iha Timor-Leste, Bilal Aurang Zeb. Imajen TATOLI/Egas Cristóvão

DILI, 18 maiu 2021 (TATOLI)—Reprezentante United Nations Children’s Emergency Fund (UNICEF) iha Timor-Leste, Bilal Aurang Zeb, hasoru malu ho Primeiru-Ministru (PM), Taur Matan Ruak, hodi informa kona-ba apoia vasina AstraZeneca ne’ebé sei oferese no sei to’o Timor-Leste iha tempu badak.

“Ami mai hasoru Primeiru-Ministru atu informa katak semana mai ne’e sei mai tan vasina hamutuk doze 76.800,” Reprezentante UNICEF relata hafoin ramata reuniaun ho Xefe Governu iha Rezidénsia Farol, tersa ne’e.

Ba kestaun ne’e, UNICEF halo hela koordenasaun ho MS hodi prepara fatin tau vasina iha Dili no munisípiu sira.

“Fatin ne’e importante hodi prezerva vasina no fatin sira ne’e tenke malirin, la’ós iha nível nasionál de’it maibé ba mós munisipál, tanba ne’e iha sentru saúde hotu tenke prepara di’ak fatin hodi rai vasina sira,” nia akresenta.

Tuir planu UNICEF sei apoia vasina ba Timor-Leste hamutuk doze 527.000 durante tinan 2021 nia laran.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here