Konferénsia virtuál iha edifísiu SEKoop, Akait, segunda (17/05). Imajen/SEKoop

DILI, 17 maiu 2021 (TATOLI)—Sekretáriu Estadu Kooperativa (SEKoop), Elizário Ferreira, hamutuk ho diretór no dirijente kooperativa sira partisipa konferénsia dezenvolvimentu kooperativa nível aziátiku, ne’ebé realiza iha Tailándia via virtuál no partisipa hosi nasaun 30.

Sekretáriu Estadu Elizário Ferreira, hateten, konfénsia kooperativa ne’e nu’udar kooperasaun parte SEKoop ho Governu Tailándia foin lalais atu fasilita  dezenvolve kooperativa iha Timor-Leste.

“Iha ámbitu ne’e ita bele tau hanoin hamutuk, nune’e bainhira COVID-19 ramata saida maka  líder kooperativa sira bele halo asegura dezenvolvimentu kooperativa, maibé kuandu situasaun ne’e nafatin karik saida maka bele halo atu asegura sustentabilidade no estabilidade kooperativa,” Governante ne’e dehan hafoin termina konferénsia virtuál, iha edifísiu SEKoop, Akait, segunda ne’e.

Notísia relevante: Tailándia disponível ajuda SEKoop fó formasaun kooperativa kréditu uniaun

Nia haktuir, durante konferénsia SEKoop aprezenta kestaun kooperativa finaseira, hanesan kooperativa kréditu uniaun hodi bele dezenvolve di’ak  ho ninian estabilidade finanseira rasik,  avansadu no iha estabilidade, enkuantu kooperativa naun finanseira depende ba finansiamentu hosi parte Governu.

Tema konferénsia kooperativa virtuál ne’e maka ‘kreatividade líder kooperativa post COVID-19’,

Jornalista: Natalino Costa  

Editora: Julia Chatarina

HAKEREK NO HATÁN

Please enter your comment!
Please enter your name here